قازاقستان حوككەي فەدەراتسيياسى «ن» كوماندالار توبى وليمپيادا الدىنداعى ٸرٸكتەۋ تۋرنيرٸنٸڭ 3-شٸ كەزەڭٸ ماتچىنا بيلەتتەر جوسپارلانعان مەرزٸمنەن كەش تٷسەتٸنٸن حابارلادى, دەپ جازادى «SPORTINFORM» ساا.
بۇدان بۇرىن بيلەتتەر ساتىلىمى وو-2022 ٸرٸكتەۋ تۋرنيرٸنٸڭ 2-شٸ كەزەڭٸنەن كەيٸن, اتاپ ايتقاندا 15 جەلتوقساندا بارسەلونادا ٶتكەن يسپانييا-نيدەرلاندى ماتچىنان كەيٸن باستالادى دەپ بولجانعان ەدٸ. الايدا, ويىن مۇزدىڭ ساپاسىنا بايلانىستى اياقتالماي قالدى.
حالىقارالىق حوككەي فەدەراتسيياسى (IIHF) بۇل ماتچتى 2020 جىلدىڭ 8 قاڭتارىندا بارسەلونادا قايتا ٶتەتٸنٸن جارييالادى.
وسىلايشا, ٸرٸكتەۋ تۋرنيرٸنٸڭ 3-شٸ كەزەڭٸندە قازاقستان ۇلتتىق قۇراماسىنىڭ ٷشٸنشٸ قارسىلاسى كەلەسٸ جىلدىڭ قاڭتارىندا بەلگٸلٸ بولادى.
IIHF ەرەجەسٸنە سەيكەس, نيدەرلاندى قۇراماسى جەڭٸسكە جەتسە, گوللاندييالىق حوككەيشٸلەر نۇر-سۇلتانعا كەلەدٸ. ەگەر يسپانييا كومانداسى جەڭٸسكە جەتسە, «بارىس ارەنادا» «م» توبىنىڭ 2-شٸ كەزەڭٸندە جەڭگەن حورۆاتييا قۇراماسى وينايدى. ال, يسپانييا سلوۆەنيياعا بارادى.
«ن» توبىنىڭ 3-كەزەڭٸنٸڭ ماتچى قازاقستان استاناسىندا «بارىس ارەنادا» 2020 جىلدىڭ 6-9 اقپان ارالىعىندا ٶتەدٸ. قازاقستان قۇراماسى ٷش ماتچ ٶتكٸزەدٸ: 6 اقپاندا ۋكراينامەن, 7 اقپاندا نيدەرلاندى/حورۆاتييامەن, 9 اقپاندا – پولشا كومانداسىمەن وينايدى.
