Almaty prokýratýrasy «Olimp» býkmekerlik keńsesiniń 145 mlrd teńge salyqtyq bereshegi bar ekendigin anyqtady, dep habarlaidy "Ult aqparat".
Prokýratýra «Olimp» degen ortaq taýar belgisimen jumys jasaityn «Olimp.kz» býkmekerlik keńsesi JShS men «Alpha-bet» JShS qyzmetine salyqtyq tekserý júrgizdi.
Qalalyq Memlekettik kirister departamenti atalǵan JShS-nyń sońǵy 5 jyldaǵy oiyn biznesindegi qyzmetin, qarjylyq ainalymyn 5 ai boiy tekserdi.
Salyqtyq tekserý nátijesinde aiyppuldar men ósimpuldardy qosqanda «Olimp.kz» býkmekerlik keńsesi JShS 62 mlrd teńge, «Alpha-bet» JShS-nyń 83 mlrd teńge kóleminde salyqtyq bereshegi bar ekendigi belgili boldy.
Munyń aldynda Ulttyq qaýipsizdik organdary men prokýratýra «Olimp» býkmekerlik keńsesiniń qyzmetinen Qazaqstannan zańsyz aqsha shyǵarý joldaryn áshkerelegen bolatyn.
Osyǵan bailanysty zańsyz oiyn biznesin uymdastyrýǵa qatysty sotqa deiingi tergeý jumystary bastaldy.
Almaty mamandandyrylǵan aýdanaralyq soty «Onlybet» jáne «Alpha-bet» JShS litsenziiasyn toqtatý týraly sheshim qabyldady.
