Vladimir Gerdo / TASS
Astanada qaitys bolǵan 45 jastaǵy Áliia bes adamnyń ómirin saqtap qaldy, dep habarlaidy 24.kz.
Áliia 6 sáýir kúni keshke jumystan qaityp kele jatyp, aiaq astynan esinen tanyp qalǵan. Jedel járdemdi kezdeisoq ótip bara jatqan adam shaqyrǵan. Kelesi kúni dárigerler onyń jaǵdaiy asa aýyr ekenin, tromb úzilip ketkenin málimdedi.
Marqumnyń ápkesi Dina Ǵaisarovanyń aitýynsha, 7 sáýir kúni tańerteń Áliia jansaqtaý bóliminde jatqan. Ota jasalǵanymen, nátije bolmaǵan. Dárigerler mi ólimi tirkelgen soń týystaryna donorlyq máselesin qarastyrýdy usynǵan.
Marqumnyń anasy Qazima Ǵaisarova qyzynyń kózi tirisinde donor bolýǵa niet bildirgenin aitty.
Áliianyń artynda úsh balasy qaldy. Olardyń ekeýi – kámeletke tolmaǵan, kenjesi nebári 8 jasta.
Dárigerler donordan júrek, baýyr, ókpe jáne eki búirek alyp, olardy bes naýqasqa sátti transplantatsiialaǵan.
Qazirgi tańda Qazaqstanda 16 myńnan astam adam qaitys bolǵannan keiingi donorlyqqa kelisim bergen. Al 100 myńnan astam azamat buǵan qarsy. Elde 4,6 myńǵa jýyq adam aǵza transplantatsiiasyn kútýde, olardyń basym bóligi – búirekke muqtaj naýqastar. Onyń ishinde 100-den astamy – balalar.
