Foto © Tengrinews.kz
Atyraýda bir otbasynyń birneshe múshesiniń qaza bolýyna bailanysty atyshýly is boiynsha basty kúdikti Sultan Sársemáliev ózine taǵylǵan aiyptar men kútiletin jazaǵa tolyq daiyn ekenin málimdedi, dep habarlaidy Ult.kz.
Jergilikti Atyrautoday basylymynyń habarlaýynsha, sot otyrysynda ol jasaǵan áreketin joqqa shyǵarmai, kez kelgen úkimdi qabyldaýǵa ázir ekenin ashyq aitqan.
— Jasaǵan qylmysyma da, oǵan beriletin kez kelgen aýyr jazaǵa da daiynmyn. Ólim jazasyna da, ómir boiy bas bostandyǵynan aiyrýǵa da daiynmyn. Barlyq áreketim – ózime jáne otbasyma jasalǵan jaǵdailarǵa qasaqana jaýap boldy, — dedi kúdikti.
Sonymen qatar, ol isti alqabilerdiń qaraýynan bas tartqan. Bul sheshim qoǵamda qosymsha suraqtar týyndatty.
Buǵan deiin sot barysynda Sársemálievtiń qaiyn ápkesine jasalǵan shabýyldyń jai-japsary da belgili bolǵan edi. Alaida oqiǵanyń tolyq sebep-saldary men qylmystyń naqty motivteri áli de tergeý men sot protsesinde jan-jaqty qaralýda.
Bul is qoǵamda zor rezonans týdyryp, otbasylyq janjaldyń qandai qaiǵyly saldarǵa ákelýi múmkin ekenin taǵy bir márte kórsetti.
