Foto: elements.envato.com
Májilis depýtaty Baqytjan Bazarbek Almaty oblysynyń quzyrynan qalaǵa kóshken alma baqtaryna alańdaýshylyq bildirdi, - dep habarlaidy Tengrinews.kz saity.
2014 jyly bul aýmaqtar jeke tulǵalardyń menshigine ótti. Áńgime Kamenskoe ústirtinde kottedj qalashyq salý jobasy týraly bolyp otyr.
"Siz almadan bastadyńyz. Almaty oblysy. Ókinishke qarai, sizderdiń aqparatyńyz boiynsha, qazir ol jerde alma aǵashtary kesilip jatyr. Hrapýnov, Tasmaǵambetov, Esimov, Baibek, Saǵyntaevtar óz kezinde tolyq zańdy emes sheshim qabyldady", - dedi Bazarbek Aýyl sharýashylyǵy ministrliginiń basshysyna qaratyp.
Májilismenniń aitýynsha, osyǵan bailanysty alma baqtarynyń 70 paiyzǵa jýyǵy joiylǵan.
"Qashan tekseris júrgizildi? Nazarbaevtar januiasy men basqa da oligarhtar tekserýshilerge qysym kórsetti. Iaǵni, osyndai zańsyz sharalardyń kesirinen alma baqtardy qaitaryp, qalpyna keltire almai otyrmyz. Aityńyzshy, búginde qansha alma baǵyn menshikke qaitara aldyq? Buǵan deiin qanshama zańsyz sheshimder qabyldanǵanyn bilesizder. Qandai sharalar qabyldanyp jatyr?", - dep surady ol.
Aýyl sharýashylyǵy ministri Erbol Qarashókeev 5,2 million gektar jer memleket menshigine qaitarylǵanyn, biraq bul naqty alma baqtary týraly emes ekenin aitty.
"Biyl 2 million gektarǵa jýyq jerdi qaitarý jumystary júrip jatyr. Qansha alma baǵy bar, naqty aita almaimyn, keshirim suraimyn, jazbasha túrde jaýap bereiik. Árine, ol jerde alma baqtary bar ekenine kúmánim joq, biraq qansha ekenin aita almaimyn", - dep jaýap berdi ministr.
video: Tengrinews.kz
