فوتو: elements.envato.com
مەجٸلٸس دەپۋتاتى باقىتجان بازاربەك الماتى وبلىسىنىڭ قۇزىرىنان قالاعا كٶشكەن الما باقتارىنا الاڭداۋشىلىق بٸلدٸردٸ, - دەپ حابارلايدى Tengrinews.kz سايتى.
2014 جىلى بۇل اۋماقتار جەكە تۇلعالاردىڭ مەنشٸگٸنە ٶتتٸ. ەڭگٸمە كامەنسكوە ٷستٸرتٸندە كوتتەدج قالاشىق سالۋ جوباسى تۋرالى بولىپ وتىر.
"سٸز المادان باستادىڭىز. الماتى وبلىسى. ٶكٸنٸشكە قاراي, سٸزدەردٸڭ اقپاراتىڭىز بويىنشا, قازٸر ول جەردە الما اعاشتارى كەسٸلٸپ جاتىر. حراپۋنوۆ, تاسماعامبەتوۆ, ەسٸموۆ, بايبەك, ساعىنتاەۆتار ٶز كەزٸندە تولىق زاڭدى ەمەس شەشٸم قابىلدادى", - دەدٸ بازاربەك اۋىل شارۋاشىلىعى مينيسترلٸگٸنٸڭ باسشىسىنا قاراتىپ.
مەجٸلٸسمەننٸڭ ايتۋىنشا, وسىعان بايلانىستى الما باقتارىنىڭ 70 پايىزعا جۋىعى جويىلعان.
"قاشان تەكسەرٸس جٷرگٸزٸلدٸ? نازارباەۆتار جانۇياسى مەن باسقا دا وليگارحتار تەكسەرۋشٸلەرگە قىسىم كٶرسەتتٸ. ياعني, وسىنداي زاڭسىز شارالاردىڭ كەسٸرٸنەن الما باقتاردى قايتارىپ, قالپىنا كەلتٸرە الماي وتىرمىز. ايتىڭىزشى, بٷگٸندە قانشا الما باعىن مەنشٸككە قايتارا الدىق? بۇعان دەيٸن قانشاما زاڭسىز شەشٸمدەر قابىلدانعانىن بٸلەسٸزدەر. قانداي شارالار قابىلدانىپ جاتىر?", - دەپ سۇرادى ول.
اۋىل شارۋاشىلىعى مينيسترٸ ەربول قاراشٶكەەۆ 5,2 ميلليون گەكتار جەر مەملەكەت مەنشٸگٸنە قايتارىلعانىن, بٸراق بۇل ناقتى الما باقتارى تۋرالى ەمەس ەكەنٸن ايتتى.
"بيىل 2 ميلليون گەكتارعا جۋىق جەردٸ قايتارۋ جۇمىستارى جٷرٸپ جاتىر. قانشا الما باعى بار, ناقتى ايتا المايمىن, كەشٸرٸم سۇرايمىن, جازباشا تٷردە جاۋاپ بەرەيٸك. ەرينە, ول جەردە الما باقتارى بار ەكەنٸنە كٷمەنٸم جوق, بٸراق قانشا ەكەنٸن ايتا المايمىن", - دەپ جاۋاپ بەردٸ مينيستر.
ۆيدەو: Tengrinews.kz
