3 aqpanda 67 jasyna qaraǵanda Eurasian Resources Group (ERG) kompaniiasynyń negizgi aktsionerleriniń biri, qazaqstandyq oligarh Alidjan Ibragimov qaitys boldy. Bul týraly kompaniianyń resmi saity habarlady. Onda Ibragimovtiń qaida jáne neden qaitys bolǵany aitylmaǵan.
Qyrǵyzstandyq Kaktus.media saity qupiia derekkózge súiene otyryp, Ibragimovtiń koronavirýs infektsiiasynan qaitys bolýy múmkin ekenin jazdy.
"Ol Belgiiada qaitys boldy, biraq ony týǵan jeri Toqmaqta (Qyrǵyzstannyń Shý oblysy - red.) jerleidi. Ibragimovtiń Qazaqstanda aýyrǵany belgili. Jaǵdaiy nasharlaǵannan keiin Belgiiaǵa emdelýge ketken, artynsha sonda qaitys bolǵan" dep jazdy sait.
Ibragimov oligarh Aleksandr Mashkevich (20,7 paiyzyna ie) pen Patoh Shadiev (18,6 paiyz) jáne Qazaqstan úkimetimen (40 paiyz) birge Eurasian Resources Group kompaniiasynyń 20,7 paiyzyna ie. 2019 jyly Forbes jýrnaly Ibragimovtiń bailyǵyn 2,3 mlrd dollarǵa (Mashkevichtiki - 2,4 mlrd dollar, Shodievtiki - 2,1 mlrd dollar) baǵalaǵan.
Basylymnyń jazýynsha, biznesmen sonymen birge quramyna Eýraziia banki, "Eýraziia ónerkásip kompaniiasy" kiretin "Eýraziia qarjylyq kompaniiasy" aktsionerlik qoǵamynyń 33 paiyz aktsiiasyna ielik etedi. 2020 jyly Ibragimov Qazaqstandaǵy eń bai 50 kásipkerdiń qataryna kirgen.
