3 اقپاندا 67 جاسىنا قاراعاندا Eurasian Resources Group (ERG) كومپانيياسىنىڭ نەگٸزگٸ اكتسيونەرلەرٸنٸڭ بٸرٸ, قازاقستاندىق وليگارح اليدجان يبراگيموۆ قايتىس بولدى. بۇل تۋرالى كومپانييانىڭ رەسمي سايتى حابارلادى. وندا يبراگيموۆتٸڭ قايدا جەنە نەدەن قايتىس بولعانى ايتىلماعان.
قىرعىزستاندىق Kaktus.media سايتى قۇپييا دەرەككٶزگە سٷيەنە وتىرىپ, يبراگيموۆتٸڭ كوروناۆيرۋس ينفەكتسيياسىنان قايتىس بولۋى مٷمكٸن ەكەنٸن جازدى.
"ول بەلگييادا قايتىس بولدى, بٸراق ونى تۋعان جەرٸ توقماقتا (قىرعىزستاننىڭ شۋ وبلىسى - رەد.) جەرلەيدٸ. يبراگيموۆتٸڭ قازاقستاندا اۋىرعانى بەلگٸلٸ. جاعدايى ناشارلاعاننان كەيٸن بەلگيياعا ەمدەلۋگە كەتكەن, ارتىنشا سوندا قايتىس بولعان" دەپ جازدى سايت.
يبراگيموۆ وليگارح الەكساندر ماشكەۆيچ (20,7 پايىزىنا يە) پەن پاتوح شاديەۆ (18,6 پايىز) جەنە قازاقستان ٷكٸمەتٸمەن (40 پايىز) بٸرگە Eurasian Resources Group كومپانيياسىنىڭ 20,7 پايىزىنا يە. 2019 جىلى Forbes جۋرنالى يبراگيموۆتٸڭ بايلىعىن 2,3 ملرد دوللارعا (ماشكەۆيچتٸكٸ - 2,4 ملرد دوللار, شوديەۆتٸكٸ - 2,1 ملرد دوللار) باعالاعان.
باسىلىمنىڭ جازۋىنشا, بيزنەسمەن سونىمەن بٸرگە قۇرامىنا ەۋرازييا بانكٸ, "ەۋرازييا ٶنەركەسٸپ كومپانيياسى" كٸرەتٸن "ەۋرازييا قارجىلىق كومپانيياسى" اكتسيونەرلٸك قوعامىنىڭ 33 پايىز اكتسيياسىنا يەلٸك ەتەدٸ. 2020 جىلى يبراگيموۆ قازاقستانداعى ەڭ باي 50 كەسٸپكەردٸڭ قاتارىنا كٸرگەن.
