QR Parlament Májilisiniń depýtaty Amanjan Jamalov HQKO-daǵy ólim jaǵdailaryn azamattardy ýaqytsha tirkeý normasymen bailanystyrmaý kerek deidi, - dep habarlaidy "Ult aqparat" kaz.tengrinews.kz portalyna silteme jasap.
"Halyqqa qyzmet kórsetý ortalyǵyndaǵy ólim jaǵdaiy Qazaqstandaǵy ýaqytsha tirkeýge bailanysty dep oilaisyzdar ma?", - dedi Jamalov tilshilerdiń HQKO-da bolǵan tótenshe jaǵdai týraly suraǵyna jaýap bere otyryp.
BAQ ókilderi qaitys bolǵan adamnyń tirkelý úshin kezekte turyp, ózin jaisyz sezingeni jaily aitqan edi. Buǵan depýtat "Suraqtaryńyz durys emes siiaqty jáne sebep-saldaryn qate keltirip otyrsyzdar. Adam óldi, ol osyndai densaýlyq jaǵdaiymen úiinde de ólýi múmkin edi ǵoi, men bilmeimin, dáriger emespin. Bul suraqty dárigerlerge qoiyńyzdar", - dedi májilismen.
Osydan keiin tilshiler depýtatqa "Ólim jaǵdaiyna kinálimin dep eseptemeisiz be?" degen suraq qoiyldy.
"Men bylai aitaiyn, kinálimin dep eseptemeimin, sebebi biz kóp zań qabyldaimyz jáne bul zańdy qoldanysqa engizý qajetti shara, osylai deimin", - dedi ol.
Eske salaiyq, búgin, 16 qańtarja Alataý aýdandyq Halyqqa qyzmet kórsetý ortalyǵynda 1964 jylǵy Kýntakov Jaras Nýrkibaiuly qaitys boldy. Ol ortalyqqa turǵylyqty jeri boiynsha tirkelý úshin kelgen. "Azamattarǵa arnalǵan úkimet" memlekettik korporatsiiasy oqiǵa kezinde "HQKO-da adam sany kóp bolmaǵan" deidi.
