Foto:qazaq1913.com
Ǵylym bolsa, memleket te qýatty bolady. Sol sebepti ǵylymdy damytý elimiz úshin strategiialyq mańyzy bar qadam. Jasampazdyq, jańashyldyq, bilimpazdyq pen ǵylymǵa qushtarlyq – naǵyz ozyq elge kerek basty qasietter.Qasym-Jomart Toqaev qúryltai otyrysynda osy máselege arnaiy toqtaldy. Iaǵni tutas qoǵam bolyp ǵylymdy jan-jaqty nasihattaýǵa kúsh salý memleket aldyndaǵy basty mindetterdiń biri.
Osy maqsatta Memleket basshysy eleýsiz qalyp otyrǵan jas ǵalymdarymyzǵa sportshylar deńgeiinde qurmet kórsetý bastamasyn kóterdi. Prezident akademiktiń sportshylar men halyqaralyq ǵylym olimpiadalarynyń jeńimpazdaryna degen qurmettiń jer men kóktei dep aitqan sózin negizge aldy. Budan bylai halyqaralyq deńgeide matematika, fizika jáne basqa da ǵylymi jetistikke jetken jastarymyz memleket tarapynan erekshe qoldaýǵa ie bolady. Daryndy balalar men olardyń ustazdary árqashan qoldaý bar ekenin sezinetin bolady.
«Bizdiń sportshylar olimpiadalarǵa baryp, qarsylastaryn uryp-soǵady, murnyn syndyrady, sodan keiin elge oralǵanda bir top el azamattary olardy áýejaidan qarsy alyp, úlken qurmetke bóleidi, páter men kólik syilap jatady. Bul rette halyqaralyq arenada elimizdiń atyn shyǵaryp, ǵylymi jarystarda jeńiske jetken jastarymyzdy eshkim áýejaidan qarsy almaidy, elemeidi», - degen edi akademik Asqar Jumadildaev.
Sondyqtan el ishinde balalar men jasóspirimder arasynda shynaiy kaharmandardy nasihattaý óte mańyzdy. Jastar bilimdi ári daryndy el azamattaryna qarap boi túzeýleri kerek. Dúniejúzilik olimpiadadaǵy shahmatshy qyzdarymyzdyń jarqyn jeńisi úlgi etýge turarlyq dedi Prezident.
Jastardyń bilimge jáne ǵylymǵa qushtarlyǵyn, yntasyn arttyrý maqsatynda byltyr joǵary bilim jáne ǵylymdy damytýdyń 2023-2029 jyldarǵa arnalǵan tujyrymdamasy bekitildi. Osy qujat negizinde 2022 jyldan bastap «Jas ǵalym» jobasy aiasynda jyl saiyn 1000 grant bólý, álemniń jetekshi ǵylymi ortalyqtarynda jyl saiyn 500 ǵalymnyń taǵylymdamadan ótýi, 85 ǵylymi-zertteý institýtyn engizý, 16 ǵylymi uiymnyń jabdyqtaryn jańǵyrtý syndy aýqymdy sharalar júrgizilip jatyr.
Bólinetin granttar esebinen ǵalymdardyń ortasha jalaqysy 2 ese ósti. Bizdiń irgeli zertteýlermen ainalysatyn jetekshi ǵalymdarymyz granttyq konkýrstarǵa qaramastan turaqty qarjylandyrýdy alatyn deńgeige jetip otyr. Ótken jyldarmen salystyrǵanda ǵalymdardyń sany artyp keledi. Onyń ishinde 46 paiyzy jastar.
Atalmysh tujyrymdama ulttyq deńgeidegi qoldanbaly máselelerdi sheshý úshin ǵylymdy tartýǵa baǵyttalǵan. Nátijesinde ǵalymdar sanyn bir jarym esege arttyrý, ǵylymi ekojúieni jańǵyrtý, ǵylymnyń naqty sektordaǵy problemalardy sheshýge qosqan úlesiniń artýy, biýrokratizatsiia, tsifrlandyrý syndy ózekti suraqtar sheshimin tappaq.
Ǵylym salasyn odan ári damytý maqsatynda Ministrlikpen «Ǵylym jáne tehnologiialyq saiasat týraly» Zań jobasy ázirlendi. Zań jobasynda jas ǵalymdarǵa memleket tarapynan kórsetiletin qoldaý tetikteri kórsetilgen. Mysaly olardyń turǵyn úi satyp alý nemese úi jaǵdaiyn jaqsartý quqyqtary qarastyrylǵan. Odan bólek ǵylymi jáne ǵylymi-tehnikalyq qyzmet nátijelerin kommertsiialandyrý jobalaryn qosylǵan qun salyǵynan bosatý suraǵy da pysyqtalyp jatyr.
