Oralda Biryńǵai Ulttyq testileýdiń baiqaý synaǵy kezinde №32 orta mektepti bitirýshi synybynyń jetekshisi qaitys boldy, dep habarlaidy "Ult aqparat" «Ýralskaia nedeliaǵa» silteme jasap.
«32 mekteptiń muǵalimi UBT baiqaý synaǵyn tapsyrý úshin oqýshylaryn ákelgen edi. Oqýshylar aýditoriialarǵa kirip ketken soń, ol dálizde qalǵan. 13:10 shamasynda onyń talmasy ustady. Biz oǵan kómek kórsetýge áreket jasap, «Jedel járdem» shaqyrdyq. Biraq «Jedel járdem» jedel kelgen joq, olar jetkenshe jarty saǵat ótken edi. Dárigerler kelgen boida jany úzilgenin aitty», - deidi M. Ótemisov atyndaǵy Batys Qazaqstan memlekettik ýniversitetiniń janyndaǵy UBT ortalyǵyndaǵylar.
Oqiǵa tús kezinde bolǵandyqtan, ýniversitettiń dárigeri tústenýge ketken. Dál diagnozy anyqtalǵan joq, biraq áieldiń qan qysymynyń kóterilýinen zardap shekkeni belgili.
Oblystyq densaýlyq saqtaý basqarmasynyń ókilderi oqiǵa jaily keiin pikir bildirýge ýáde berdi.
