Mektep oqýshylary úshin 3-toqsan 6 óńirde - 11 qańtardan, al 11 óńirde - 12 qańtarda bastalady. Mundai aqparatty QR DSM Sanitarlyq-epidemiologiialyq baqylaý komiteti usyndy, dep habarlaidy QazAqparat.
Vedomstvo málimetinshe, QR Bas memlekettik sanitar dárigeriniń 29 jeltoqsandaǵy qaýlysyna sáikes, sailaý ýchaskeleri retinde jumyldyrylǵan bilim nysandary sailaý aiaqtalǵannan keiin zararsyzdandyrylady.
Iaǵni, 10 jáne 11 qańtar kúnderi daýys berý júrgizilgen atalǵan nysandarda tazalyq jumysy júrgiziledi.
«Osyǵan orai 10 qańtarda zararsyzdandyrý is-sharalary júrgizilgennen keiin elimizdiń 6 óńirinde, atap aitqanda Soltústik Qazaqstan, Pavlodar, Jambyl, Qostanai, Qyzylorda oblystarynda jáne Shymkent qalasynda 2020-2021 oqý jylynyń 3-toqsanynda oflain-rejimde belgilengen oqý protsesi 11 qańtarda bastalady. Respýblikanyń 11 óńirinde – Túrkistan, Aqtóbe, Aqmola, Atyraý, Batys Qazaqstan, Almaty, Shyǵys Qazaqstan, Qaraǵandy, Mańǵystaý oblystarynda jáne Almaty men Nur-Sultan qalalarynda oqý 12 qańtarda bastalady» dep atap ótedi komitetten.
Taratylǵan málimetke qaraǵanda, respýblika aýmaǵynda 7 090 mekteptiń 5 522-siniń, 6 651 balabaqshanyń 143-iniń, 644 orta bilim berý mekemesiniń 215-iniń, 125 joǵary oqý ornynyń 53-iniń, 114 mektep-internat, sport mektebi JOO jataqhanalarynyń 22-siniń bazasynda sailaý ýchaskesi quryldy.
Sonymen qatar ózge de bilim nysandarynda (oqýshylar saraiy, shyǵarmashalyq, úi, mýzyka mektebi) 12 sailaý ýchaskesi uiymdastyryldy.
