Oqýshylardyń aralas formatqa aýysýyna bailanysty mektep formasyn satyp alýdyń qajeti joq.
Bul týraly Ortalyq kommýnikatsiialar qyzmetinde ótken Orta jáne joǵary bilim berýge qatysty mańyzdy suraqtar týraly brifingide aityldy, dep habarlaidy "Ult aqparat".
«Oqýshynyń aýyryp qalýy nemese naýqas adamdarmen bailanysty bolýy siiaqty erekshe jaǵdailarda ata-ananyń ótinishi negizinde oqýshylardyń qashyqtyq formatta oqý múmkindigi bar. Aralas oqý formatyna kóshken kezde sanitarlyq talaptar saqtalýy kerek. Bilim basqarmalary, bilim bólimderi jáne mektep basshylary ár mektepte sanitarlyq talaptardyń qatań saqtalýyna kóńil bólýi kerek. Ekinshiden, barlyq bilim berý protsesine qatysýshylardyń bári jeke bas gigienasyn saqtaý boiynsha sanitarlyq talaptardy qatań saqtaýy kerek», - deidi Bilim jáne ǵylym vitse-ministri Sholpan Karinova.
Onyń aitýynsha, ata-analar tarapynan úlken qoldaý jumysy kerek.
«Oqýshylardyń jas erekshelikteri, fiziologiialyq, psihikalyq damýy eskerilip, ata-analar balalaryna jeke gigiena, sanitarlyq talaptardy saqtaý boiynsha únemi aityp otyrýy kerek. Oqý jylynyń basynda tolyq oqý jyly boiy mektep formasyn saqtamaý týraly sheshim qabyldanǵan bolatyn. Oqýshylardyń aralas formatqa aýysýyna bailanysty mektep formasyn satyp alýdyń qajeti joq. Oqýshylar ózderine yńǵaily, taza, uqypty kiimmen barýlaryna bolady», - deidi ol.
