Konkýrsqa eldiń barlyq óńirlerinen qazaq, aǵylshyn jáne orys tilinde jazylǵan 100 esse kelip tústi. Nátijesinde 27 ozyq jumys iriktelip alyndy. Sonymen birge mektep oqýshylary júldeli oryndarǵa ie bolyp, Ulttyq ekonomika ministrliginiń basshylyǵynan alǵys hattar men «EKSPO-2017» halyqaralyq kórmesin aralaýǵa biletter aldy jáne diý Solei Tsirki kórinisin tamashalaidy. Qalǵan 17 finalǵa qatysýshy eskertkish gramotalarǵa ie boldy.
«Neǵurlym qyzyqty shyǵarmalardan úzindiler Qazaqstannyń 2025 jylǵa deiingi Strategiialyq damý josparynda jariialanady. Qazirgi ýaqytta sarapshylyq jáne biznes-qoǵamdastyǵy ókilderin tartý arqyly atalǵan qujatty ázirleý júrgizilip jatyr», - dedi ministr.
Jeńimpazdardyń biri elordalyq №82 «Daryn» litseiiniń 9-synyp oqýshysy Dana Ospanova esseni qalai jazǵandyǵy týraly aityp, bolashaqta ne mazalaitynyn baiandady.
« Men «Men jáne meniń Qazaqstanym 2025 jyly» taqyrybynda esse jazdym. Óz shyǵarmamda men Qazaqstan týraly kózqarasymdy, oiymdy bildirdim. Ony jazbas buryn otbasymmen aqyldasyp, ekologiia, meditsina, bilim berý syndy salalardy talqyladyq. Bizde óz josparlarymyzdy júzege asyrýdyń múmkindigi mol. Máselen, ekologiiany alatyn bolsaq, kún, jel jáne uly dala bar, biz kún energiiasyn, jel energiiasyn qoldana alamyz», - dedi D.Ospanova.
Mektep oqýshylarynyń esse konkýrsy 2 týr boiynsha ótkizildi: óńirlik jáne respýblikalyq. Ekinshi týrǵa ótken jumystardy arnaiy komissiia logikalyq jáne kórkemdik paiymdaýy, baǵalaý jáne tujyrymynyń dáiektiligi, ideialary men oiyn jetkizýdiń sonylyǵy, sezimdiligi men shynaiylyǵy, dáleldiligi men mazmundylyǵy sekildi ólshemder boiynsha baǵalady. Finalǵa shyqqan oqýshylar óz jumystarynda tarihi dálelderge jáne jeke dúnietanymyna súiene otyryp, el damýyn ózinshe paiymdaýlarymen bólisti.
strategy2050.kz
.jpeg)