Mektep oqýlyqtaryna kezdesetin qatelikterdi boldyrmaý jolynda korrektorlardyń jaýapkershiligin arttyrý máselesi kóterildi, dep habarlaidy QazAqparat.
«Korrektorlar oqýlyqta qate ketpeýin qadaǵalaǵany úshin eńbekaqy alady. Iaǵni, kitaptyń saýatty shyǵýyna jaýapty jáne olardyń aty-jóni kórsetilip turady. Búginde jańa shyqqan kitapty qabyldaýdyń 9 kriteriii bar. Sonyń biri oqýlyqta qate jazylǵan jáne basylǵan sózderdiń kezdesýi. Oǵan eń joǵary 4 ball beriledi, 10 qatege deiin 3 ball, 20 qatege deiin 1 ball al odan qate kóp bolsa 0 ball. Endigi meniń usynysym dál osy kriteridi korrektorlardyń jumysyn baǵalaý kezinde de paidalansa», - dedi Pedagogikalyq ǵylymdar akademiiasynyń prezidenti, akademik Asqarbek Qusaiynov.
Onyń aitýynsha, korrektorlardyń eńbek kelisimshartyna ózgeris engizý kerek.
«Eger korrektor oqýlyqta qate jiberse, jibergen qatesiniń kólemine qarai onyń eńbekaqysynan ustaý qajet. Bul korrektorlardy jazalaý degen sóz emes, kerisinshe olardyń jaýapkershiligin arttyrý. Sebebi oqýlyqta ketetin qatelikterge ministrlik te, baspa ortalyǵy da emes onyń saýattylyǵyn tekseretin korrektor mamany jaýapty. Mysaly, entsiklopediialyq týyndylardyń tili aýyr, biraq olarda qate bolmaidy. Óitkeni, onda korrektorlarmen qatar sarapshy mamandar bar, olar bastan aiaq qarap tekseredi jáne sol úshin eńbekaqy alady. Sonda ǵana saýatty oqýlyq protsesi durys jolǵa qoiylady», - dedi ol.
