Bilim jáne ǵylym ministri Ashat Aimaǵambetovtyń buiryǵymen «Oqýlyq» respýblikalyq ǵylymi-praktikalyq ortalyǵynyń direktory qyzmetine Eldos Nurlanov taǵaiyndaldy.
Eldos Bolathanuly 1981 jyly 13 qyrkúiekte Almaty qalasynda dúniege kelgen. Quqyqtanýshy-pedagog, bilim júiesiniń zertteýshisi men sarapshysy.
Qazaq quqyqtaný jáne halyqaralyq qatynastar institýtyn quqyqtaný mamandyǵy boiynsha spetsialitetti úzdik támamdaǵan. «Ednet Academy» USAID (AQSh) jobasy boiynsha magistrlik deńgeiindegi 2-jyldyq daiarlaý baǵdarlamasynan ótken.
Sondai-aq IPMA (International Project Management Association) standarttary boiynsha oqytýshylarǵa arnalǵan C deńgeiindegi menedjer retinde sertifikattaldy.
Mektepke deiingi tárbie men oqytý, orta bilim strategiialary jáne reformalary, pedagogikalyq bilim jáne pedagogterdiń kásibi damýy, orta bilim, tehnologiialar taqyryptaryna mamandanǵan.
Eńbek jolyn kolledj oqytýshysy retinde bastap, ár jyldary QR BǴM «Bóbek» ulttyq ǵylymi-praktikalyq, bilim berý jáne saýyqtyrý ortalyǵynyń bólim jetekshisi, QR BǴM Y.Altynsarin atyndaǵy Ulttyq bilim akademiiasynyń ǵylymi-zertteý ortalyǵynyń aǵa ǵylymi qyzmetkeri, QR BǴM janyndaǵy aqparat-taldaý ortalyǵynyń, departament jetekshisi, vitse-prezidenti, Nur-Sultan qalasy ákimdigi gýmanitarlyq kolledjiniń direktory, Nazarbaev ýniversitetiniń ǵylymi qyzmetkeri laýazymdaryn atqarǵan.
Budan bólek baspada túzetýshi, aýdarmashy jáne redaktor bolǵan. Birtutas pedagogikalyq protsestiń tiimdiligin tehnologiialyq turǵydan arttyrý tetikteri jónindegi tujyrymdamanyń birlesken avtory.
Jaratylystaný oqýlyqtary men ádistemelik quraldaryn aýdarý, beiimdep qoldaný jónindegi halyqaralyq jobasynda redaktor jáne birlesken avtor bolyp istedi.
BAQ salasyndaǵy memlekettik kásiporyndarda quqyqtyq qamtamasyz etý men áleýmettik jáne bilim máselelerin kóterýde tájiribesi bar. 2020-2025 jyldarǵa arnalǵan Bilim jáne ǵylymdy damytýdyń memlekettik baǵdarlamasynyń jáne «Pedagog mártebesi týraly» Zańnyń jobasyn ázirleýge belsene qatysqan.
Eldos Nurlanov kásibi uiymdar men qoǵamdar jumysyna belsene aralasyp, QR BǴM bilim jáne ǵylym, bala quqyǵyn qorǵaý máseleleri jónindegi qoǵamdyq keńesi, bilim salasyndaǵy zertteýshilerdiń qazaqstandyq qoǵamy (KERA), A. Baitursynuly bilim akademiiasynyń akademiialyq keńesine múshe.
«Qazaqstan Respýblikasy bilim berý júiesiniń jai-kúii men damýy týraly ulttyq baiandama» (2014, 2017 jyldar qorytyndylary boiynsha), «PIRLS-2016: Qazaqstan nátijeleri» (2018 jyl: Ulttyq esep), «Bolar bala –jórgeginen», «Aýyldaǵy mektep biliminiń sapasy: ulttyq jáne halyqaralyq baǵalaý nátijelerin taldaý», «Úsh tilde bilim berýdi uiymdastyrý: halyqaralyq tájiribe jáne Qazaqstanǵa arnalǵan usynystar», «Ártúrli nusqadaǵy oqý ádebieti: qajettiligi men problemalary», «Postsovetskaia identichnost v pedagogicheskom obrazovanii: proshloe, nastoiashee, býdýshee» syndy tańdaýly jariialanymdar men esepterdiń avtory jáne birlesken avtor.
Bilim salasyndaǵy zertteýshilerdiń qazaqstandyq qoǵamy (KERA) Nazarbaev Ýniversiteti Joǵary bilim berý mektebimen áriptestikte ázirlegen «Qazaqstan bilim zertteýshileriniń ádep kodeksi» kitabyn jazýshylardyń biri.
Bul - mazmuny men aýqymy boiynsha ulttyq bilimdegi alǵashqy salalyq kodeks.
Kodeks qaǵidalary zertteýdiń barlyq kezeńderindegi (josparlaý, qatysýshylardy tartyp irikteý, derek jinaý jáne esep berýdegi) is-áreket úlgileri retinde túsinikti ári qoldanbaly etip tujyrymdalǵan.
QR Bilim jáne ǵylym ministrleriniń Qurmet gramotalarymen marapattalǵan.
