Astana politsiiasy «Astana» meditsina ýniversitetiniń 117 stýdentin oqýdan shyǵarýǵa sebep bolǵan jalǵan IELTS sertifikattaryn satqandardy anyqtady, dep habarlaidy "Ult aqparat" qalalyq IID-niń baspasóz qyzmetine silteme jasap.
«Astana IID Tergeý basqarmasynda «IELTS» halyqaralyq sertifikattaryn qoldan jasaý faktisi boiynsha tergeý jalǵasyp jatyr. Kúdiktiler anyqtalyp, olarǵa qatysty sertifikattardy satý faktisi boiynsha sotqa deiingi tergeý jumystary júrgizilýde. Tergeý barysy IID basshylyǵynyń qadaǵalaýynda», - dep habarlady departamentten.
Sondai-aq, IID-de jalǵan sertifikattardy qoldaný faktisi boiynsha QR QK 385-baby boiynsha 27 qylmystyq istiń sotqa joldanǵany atap ótildi. Sertifikattardy qoldaný boiynsha qalǵan jaǵdailar óndiriste jatyr. Protsessýaldyq sheshim qysqa merzimde qabyldanady.
Eske salaiyq, «Astana» meditsinalyq ýniversitetinde daý shyqqan bolatyn. Munda magistratýra, rezidentýra jáne doktorantýraǵa oqýǵa túsý kezinde qoldan jasalǵan IELTS sertifikattaryn qoldanǵany úshin 117 stýdent oqýdan shyǵaryldy.
Keshe ótken baspasóz máslihatynda JOO rektory Májit Shaidarov jalǵan sertifikat usynǵandardyń tizimi jariialanatynyn málim etti.
Sondai-aq oqýdan shyǵarylǵan stýdentter memleketke qansha aqsha qaitarýy tiistigi atiyldy. Joǵary oqý ornynan keiingi bilim fakýltetiniń dekany Ernar Tursynbettiń dereginshe, magistratýra men rezidentýra boiynsha ai saiyn 61 561 teńge shákirtaqy tólense, doktorantýrada oqityn bilim alýshylar 81 998 teńge shákirtaqy alǵan. Munan bólek, ai saiyn oqýǵa magistratýrada 61 myń teńge, rezidentýrada 67 myń teńge jáne doktorantýrada 120 myń teńge jumsalǵan.
Sondai-aq málim bolǵandai, atalǵan 117 stýdent magistratýra men doktorantýraǵa qaitadan túse alady. Biraq aqyly negizde ǵana.
