استانا پوليتسيياسى «استانا» مەديتسينا ۋنيۆەرسيتەتٸنٸڭ 117 ستۋدەنتٸن وقۋدان شىعارۋعا سەبەپ بولعان جالعان IELTS سەرتيفيكاتتارىن ساتقانداردى انىقتادى, دەپ حابارلايدى "ۇلت اقپارات" قالالىق ٸٸد-نٸڭ باسپاسٶز قىزمەتٸنە سٸلتەمە جاساپ.
«استانا ٸٸد تەرگەۋ باسقارماسىندا «IELTS» حالىقارالىق سەرتيفيكاتتارىن قولدان جاساۋ فاكتٸسٸ بويىنشا تەرگەۋ جالعاسىپ جاتىر. كٷدٸكتٸلەر انىقتالىپ, ولارعا قاتىستى سەرتيفيكاتتاردى ساتۋ فاكتٸسٸ بويىنشا سوتقا دەيٸنگٸ تەرگەۋ جۇمىستارى جٷرگٸزٸلۋدە. تەرگەۋ بارىسى ٸٸد باسشىلىعىنىڭ قاداعالاۋىندا», - دەپ حابارلادى دەپارتامەنتتەن.
سونداي-اق, ٸٸد-دە جالعان سەرتيفيكاتتاردى قولدانۋ فاكتٸسٸ بويىنشا قر قك 385-بابى بويىنشا 27 قىلمىستىق ٸستٸڭ سوتقا جولدانعانى اتاپ ٶتٸلدٸ. سەرتيفيكاتتاردى قولدانۋ بويىنشا قالعان جاعدايلار ٶندٸرٸستە جاتىر. پروتسەسسۋالدىق شەشٸم قىسقا مەرزٸمدە قابىلدانادى.
ەسكە سالايىق, «استانا» مەديتسينالىق ۋنيۆەرسيتەتٸندە داۋ شىققان بولاتىن. مۇندا ماگيستراتۋرا, رەزيدەنتۋرا جەنە دوكتورانتۋراعا وقۋعا تٷسۋ كەزٸندە قولدان جاسالعان IELTS سەرتيفيكاتتارىن قولدانعانى ٷشٸن 117 ستۋدەنت وقۋدان شىعارىلدى.
كەشە ٶتكەن باسپاسٶز مەسليحاتىندا جوو رەكتورى مەجيت شايداروۆ جالعان سەرتيفيكات ۇسىنعانداردىڭ تٸزٸمٸ جارييالاناتىنىن مەلٸم ەتتٸ.
سونداي-اق وقۋدان شىعارىلعان ستۋدەنتتەر مەملەكەتكە قانشا اقشا قايتارۋى تيٸستٸگٸ اتيىلدى. جوعارى وقۋ ورنىنان كەيٸنگٸ بٸلٸم فاكۋلتەتٸنٸڭ دەكانى ەرنار تۇرسىنبەتتٸڭ دەرەگٸنشە, ماگيستراتۋرا مەن رەزيدەنتۋرا بويىنشا اي سايىن 61 561 تەڭگە شەكٸرتاقى تٶلەنسە, دوكتورانتۋرادا وقيتىن بٸلٸم الۋشىلار 81 998 تەڭگە شەكٸرتاقى العان. مۇنان بٶلەك, اي سايىن وقۋعا ماگيستراتۋرادا 61 مىڭ تەڭگە, رەزيدەنتۋرادا 67 مىڭ تەڭگە جەنە دوكتورانتۋرادا 120 مىڭ تەڭگە جۇمسالعان.
سونداي-اق مەلٸم بولعانداي, اتالعان 117 ستۋدەنت ماگيستراتۋرا مەن دوكتورانتۋراعا قايتادان تٷسە الادى. بٸراق اقىلى نەگٸزدە عانا.
