Foto: uiymdastyrýshylardan
Elimiz boiynsha 2 myńǵa jýyq aýyl ákimi osy joba aiasynda bilim aldy, dep habarlaidy Ult.kz.
Tórt ai buryn bastalǵan «Ákimder mektebi» jobasynyń alǵashqy kezeńiniń nátijesi – elimizdegi ár úshinshi aýylda iske asyrylýǵa daiyn 12 myńnan astam investitsiialyq bastama. Jalpy quny 600 milliard teńgeden asady. Barlyǵy 1783 aýyl ákimi oqýdan ótip, búginde alǵan bilimin naqty iske jaratyp júr. Endi olar turǵyndarmen birge kooperativter quryp, ónim ótkizý joldaryn qalyptastyryp, jergilikti ekonomikany damytýdy qolǵa aldy.
Memleket basshysy Qasym-Jomart Toqaev biyl qańtar aiynda ótken Úkimettiń keńeitilgen otyrysynda tikelei sailaý arqyly kelgen jańa býyn ákimder jaiynda aityp, olardyń arasynda muǵalimder, dárigerler jáne buryn memlekettik qyzmette bolmaǵan ózge de mamandar kóp ekenin atap ótken bolatyn. Sondyqtan Prezident «AMANAT» partiiasynyń tájiribesine súiene otyryp, «Ákimder mektebi» atty oqytý jobasyn iske qosýdy tapsyrǵan edi.
2021 jyly engizilgen aýyl ákimderin tikelei sailaý – eldiń birtindep demokratiia jolyna bet burǵanyn bildiretin mańyzdy qadam. Bul ózgeris azamattardyń belsendiligin arttyryp, sailanǵan ákimdermen birge aýyldaǵy túitkildi máselelerdi sheshýge jol ashty. Sońǵy tórt jylda 2 myńnan astam aýyl ákimi sailanyp, ákimder korpýsy aitarlyqtai jańardy. Olardyń kópshiligi – «AMANAT» partiiasynyń músheleri. Sonyń ishinde 60%-dan astamy ákim bolmaǵan, memlekettik qyzmette jumys istemegen azamattar.
Jańa kelgen basshylarǵa qoldaý kórsetý úshin «AMANAT» partiiasy Memlekettik qyzmet isteri agenttigimen birlesip, «Ákimder mektebi» jobasyn júzege asyryp keledi. Tórt aidyń ishinde 1783 aýyl ákimi oqýyn aiaqtap, aýyl ekonomikasynyń baǵytyn aiqyndaý, naqty tabys ákeletin salalardy anyqtaý, ónim kólemin baǵalaý syndy mańyzdy daǵdylardy meńgerdi. Joba aiasynda mamandarmen birlesip 2184 aýyldyq okrýgte 12 myńnan asa investitsiialyq joba ázirlendi. Bul bastamalar óńdeý, kooperatsiia, infraqurylymdy damytý siiaqty baǵyttardy qamtyp, aýyl turǵyndarynyń tabysyn arttyrýǵa baǵyttalǵan.
«Kedeilikti azaitý degenimiz – tek qarjy úlestirý emes, sana-sezimdi ózgertý, daǵdy berý, naqty múmkindikter ashý. Osy maqsatta partiia úsh iri jobany qatar bastady: «Qaryzsyz qoǵam» – qarjylyq saýattylyqqa baýlidy, «Aýyl amanaty» – tabys tabý joldaryn kórsetetin naqty ádisteme, «Ákimder mektebi» – osy bastamalardy jergilikti jerlerde júzege asyratyn kópir.
Bul jobanyń túlekteri tek bilim alyp qoimai, búgingi kúni aýyldastaryna kooperativter qurýǵa, naqty ispen ainalysýǵa kómektesip jatyr», – deidi partiia hatshysy Eldar Jýmagaziev.
Foto: uiymdastyrýshylardan
Endi jobanyń kelesi kezeńinde ákimder aýyldyq kooperativter qurýǵa kiristi. Kóptegen turǵyn «Aýyl amanaty» jobasy aiasynda 2,5% jeńildikpen nesie alyp, óz kásibin asha alady. Ákimder aýyl azamattaryn biriktirýge, ónim ótkizý jelilerin, logistikany jáne qyzmetti úilestirý júiesin jolǵa qoiýǵa kómek kórsetedi. Bul kezeń – jai oqytý ǵana emes, naqty jobalardy júzege asyrýǵa bet burǵan tájiribelik saty.
Partiia aýyl ákimderine qoldaý retinde kooperatsiia jónindegi arnaiy úilestirýshilerdi daiyndap, óńirlerge jiberdi. Olar aýyldardy aralap, halyqpen jáne bastamashy toptarmen kezdesip, jobalardyń iske asyrylý barysyn baqylap, qujat jinaýǵa, kooperativterdi ádilet organdarynda tirkeýge kómektesip júr.
Jobanyń nátijesi retinde 300-den astam aýyl sharýashylyǵy kooperativin qurý josparlanyp otyr. Bul kooperativter jeke qosalqy sharýashylyqtardy biriktirip, aýyl sharýashylyǵy salasyn júieli túrde damytýǵa sep bolady.
Aita ketý kerek, buǵan deiin «AMANAT» partiiasy janynan Óńirlik saiasat jónindegi Úkimettik jobalyq keńseniń Analitikalyq ortalyǵy qurylǵan bolatyn. Bul ortalyq «Ákimder mektebi» jobasyn iske asyrýmen, basqarý isin tsifrlandyrýmen, jáne kooperativtik jobalardy súiemeldeýmen ainalysady.
