Qazaqstannyń bilim berý uiymdary oqytýdyń kabinettik júiesine kóshiriledi. Bul týraly QR Bilim jáne ǵylym ministrligi Mektepke deiingi jáne orta bilim komitetiniń tóraǵasy Gúlmira Kárimova aitty, dep habarlaidy QazAqparat.
«Úkimettiń júieli jumysynyń nátijesinde oqýshylar oflain formattaǵy oqýǵa kóshti. IV toqsan barlyq bilim berý uiymdarynda dástúrli (shtattyq) formatta bastalady», - dedi Kárimova Ortalyq komýmnikatsiialar qyzmetinde.
7,5 myń orta bilim berý uiymdarynda oqýshylar kontingenti shamamen 3,6 mln balany quraidy (2,4 mln. oqýshy qazaq tilinde bilim alady, 65,3 %), bul ótken oqý jylynyń osy kezeńimen salystyrǵanda 200 myń balaǵa artyq.
Mektep basshylary bilim berý uiymdarynda qoiylatyn sanitariialyq-epidemiologiialyq talaptardyń qatań saqtalýyn qamtamasyz etedi.
«Biylǵy 24 naýryzda Qazaqstan Respýblikasynyń aýmaǵynda koronavirýs infektsiiasy taralýynyń aldyn alý jónindegi vedomstvoaralyq komissiianyń otyrysy ótti. Eldegi epidemiologiialyq jaǵdaidyń turaqtanýyn eskere otyryp, Vedomstvoaralyq komissiia bilim berý uiymdarynda oqytýdyń kabinettik júiesine kóshýge ruqsat berý týraly sheshim qabyldady», - dedi komitet basshysy.
Jalpy, barlyq orta bilim berý uiymdarynda 4-toqsan uiymdasqan túrde bastalady. Oqý toqsanynyń uzaqtyǵy – 8 apta.
Oqý jyly dástúrli túrde biylǵy jyldyń 25 mamyrynda aiaqtalady.
