قازاقستاننىڭ بٸلٸم بەرۋ ۇيىمدارى وقىتۋدىڭ كابينەتتٸك جٷيەسٸنە كٶشٸرٸلەدٸ. بۇل تۋرالى قر بٸلٸم جەنە عىلىم مينيسترلٸگٸ مەكتەپكە دەيٸنگٸ جەنە ورتا بٸلٸم كوميتەتٸنٸڭ تٶراعاسى گٷلميرا كەرٸموۆا ايتتى, دەپ حابارلايدى قازاقپارات.
«ٷكٸمەتتٸڭ جٷيەلٸ جۇمىسىنىڭ نەتيجەسٸندە وقۋشىلار وفلاين فورماتتاعى وقۋعا كٶشتٸ. ٸV توقسان بارلىق بٸلٸم بەرۋ ۇيىمدارىندا دەستٷرلٸ (شتاتتىق) فورماتتا باستالادى», - دەدٸ كەرٸموۆا ورتالىق كومۋمنيكاتسييالار قىزمەتٸندە.
7,5 مىڭ ورتا بٸلٸم بەرۋ ۇيىمدارىندا وقۋشىلار كونتينگەنتٸ شامامەن 3,6 ملن بالانى قۇرايدى (2,4 ملن. وقۋشى قازاق تٸلٸندە بٸلٸم الادى, 65,3 %), بۇل ٶتكەن وقۋ جىلىنىڭ وسى كەزەڭٸمەن سالىستىرعاندا 200 مىڭ بالاعا ارتىق.
مەكتەپ باسشىلارى بٸلٸم بەرۋ ۇيىمدارىندا قويىلاتىن سانيتارييالىق-ەپيدەميولوگييالىق تالاپتاردىڭ قاتاڭ ساقتالۋىن قامتاماسىز ەتەدٸ.
«بيىلعى 24 ناۋرىزدا قازاقستان رەسپۋبليكاسىنىڭ اۋماعىندا كوروناۆيرۋس ينفەكتسيياسى تارالۋىنىڭ الدىن الۋ جٶنٸندەگٸ ۆەدومستۆوارالىق كوميسسييانىڭ وتىرىسى ٶتتٸ. ەلدەگٸ ەپيدەميولوگييالىق جاعدايدىڭ تۇراقتانۋىن ەسكەرە وتىرىپ, ۆەدومستۆوارالىق كوميسسييا بٸلٸم بەرۋ ۇيىمدارىندا وقىتۋدىڭ كابينەتتٸك جٷيەسٸنە كٶشۋگە رۇقسات بەرۋ تۋرالى شەشٸم قابىلدادى», - دەدٸ كوميتەت باسشىسى.
جالپى, بارلىق ورتا بٸلٸم بەرۋ ۇيىمدارىندا 4-توقسان ۇيىمداسقان تٷردە باستالادى. وقۋ توقسانىنىڭ ۇزاقتىعى – 8 اپتا.
وقۋ جىلى دەستٷرلٸ تٷردە بيىلعى جىلدىڭ 25 مامىرىندا اياقتالادى.
