Foto: gov.kz
Dúniejúzilik bank sarapshylarynyń Qazaqstan oqýshylarynyń saýatyna qatysty deregi - jaýyr bolǵan aqparat. Bul týraly Oqý-aǵartý ministri Ǵani Beisembaev aitty, dep habarlaidy Kazinform agenttigi.
Búgin Úkimet otyrysynan keiin uiymdastyrylǵan brifingte BAQ ókilderi ministrden «Dúniejúzilik bank sarapshylary Qazaqstandaǵy mektep oqýshylarynyń 64 paiyzy fýnktsionaldyq turǵyda saýatsyz degen eken. Bul pikirmen kelisesiz be? Bilim sapasy mektepterde sonshalyqty nashar ma?» dep suraǵan edi.
Ministr mundai tujyrymmen kelispeitinin qadap aitty.
«Jalpy, bul pikirmen múlde kelispeimin. Dúniejúzilik banktiń aityp otyrǵany — eskirgen, jaýyr bolǵan aqparat. 2018 jyldan beri kele jatqan dúnieler. Odan beri qanshama ýaqyt ótti, sapany kóterý baǵytynda qanshama jumys atqarylyp jatyr. Bul týraly biz únemi ashyq aityp otyramyz. Oqýshylarymyzdyń deńgeii osyndai degen sózdiń shyndyqqa janaspaitynyn aitqym keledi», — dedi Ǵani Beisembaev.
Sonymen qatar ol balalarynyń úige jaqyn memlekettik mektepte bilim alatynyn atap ótti.
«Qarapaiym mektep. Muǵalimderi de, oqý protsesi de kóńilimnen shyǵady. Qolym tigende balalarymnyń sabaǵyn qarap otyramyn. Baǵasyn qadaǵalaý úshin ǵana emes, túsindirgen, oqyǵan sabaqtaryn jetkizýde jaqsy qalyptasqan biliminiń bar ekenin baiqadym», — dedi ministr.
