Búgin Ońtústik Qazaqstan oblysynyń ákimi Janseiit Túimebaev Sairam aýdanynyń aktivine QR Prezidenti Ákimshiligi men aýdandyq máslihattyń kelisimimen taǵaiyndalǵan jańa əkimdi tanystyrdy, dep habarlaidy "Ult aqparat" OQO ákiminiń baspasóz qyzmetine silteme jasap.
Ońtústik Qazaqstan oblysy əkiminiń ókimimen Sairam aýdanynyń ákimi bolyp Baqtiiar Saparáliuly Mamaev taǵaiyndaldy.
Jańa basshyny tanystyrý sátinde óńir basshysy laýazym iesiniń jumysyna tabys tilep, Sairam aýdanyndaǵy halyqtyń áleýmettik-ekonomikalyq ál-aýqatyn kóterýdegi basshylyqta Elbasy tapsyrmalaryn merzimdi ári nátijeli oryndaýdy tapsyrdy. Sonymen birge, aýdannyń damýyna óz úlesin qosqan burynǵy ákim Samat Saparbaevqa alǵysyn bildirip, qyzmetine sáttilik tiledi.
«Sairam Shymkent qalasyna irgeles jatqan aýdan. Osy óńirdiń ekonomikalyq ahýalyn jaqsartý úshin shaǵyn jáne orta kásipkerlikti damytýǵa erekshe mán berilýi kerek. Ol úshin investorlar men jergilikti kásipkerlerge qoilaily jaǵdai jasaý óte mańyzdy. Budan bólek, aýdannyń sáýlettik infraqurylymdyq damýyna da jańa serpin qajet. Aýdandaǵy taǵy bir ózekti máselelerdi biri – jer telimderi. Munda jer telimderin zańsyz ielenýshiler kóp. Bul máseleni elimizdiń zańyna sáikes tolyqqandy sheshýdi tapsyramyn», - dedi Janseiit Qanseiituly. Baqtiiar Saparáliuly Mamaev 1969 jyly 1 maýsymda týylǵan, bilimi joǵary, mamandyǵy boiynsha biliktiligi - eńbekke baýlý jáne jalpy tehnikalyq pánderiniń muǵalimi, zańger, kólik bakalavry.
Eńbek jolyn 1993 jyly Ońtústik Qazaqstan oblysy Qazyǵurt aýdanynyń Qyzylqiia aýyldyq keńesiniń hatshysy bolyp bastaǵan.
1997-2012 jyldary aralyǵynda Qazyǵurt aýdany ákimi apparaty jalpy bóliminiń bas mamany, aýmaqty damytý jáne kadrlarmen jumys bóliminiń bas mamany, Qyzylqiia aýyly okrýginiń ákimi, «Qazyǵurtsý» mekemesiniń direktory, Qazyǵurt aýdandyq «Taza sý» kommýnaldyq memlekettik kásipornynyń direktory, Qazyǵurt aýdandyq turǵyn úi-kommýnaldyq sharýashylyq, jolaýshylar kóligi jáne avtomobil joldary bóliminiń bastyǵy qyzmetterin atqarǵan.
2012 jyldyń naýryz aiynan bastap Ońtústik Qazaqstan oblysy Qazyǵurt aýdany ákiminiń orynbasary laýazymyn atqaryp keldi.
