Shymkent pen Túrkistan týrasynda.
Oblys ortalyǵyn kóshirý týraly ideiany óz basym qoldaimyn. Sebebi kóp. Eń aldymen bunyń bári de investitsiialar. Ońtústik aimaq keibir aimaqtardan bailyq pen baqýat turǵysynan on ese tómen kórsetkish kórsetip jatyr. Joǵarydan tómenge óte, jalaqy, tapsyrys arqyly qarapaiym halyqqa túser tabys.
Jáne de jumys orny. Bir kórmeniń qurylysy úsh-tórt jylǵa 50-60 myń jumys ornyn qamtamasyz etti. Jańa oblys ortalyǵyn qurý kemi 20-30 myń jumys ornyn beredi. Bul adamdarǵa jalaqy, qurylys-servis kompaniialaryna jańa tapsyrys. Árine, shendilerge de jem bolatyn tenderler.
Ókinishke orai, elde osynshama jumys ornyn memleketsiz quratyn joba joqtyń qasy. Osyndai jobalar arqyly damyp otyramyz. Ońtústik aimaǵyna kemi bir jańa áýejai, siti-ortalyq, turǵyn úi, áleýmettik nysandar salynsa Shymkenttiń de júgi jeńildeidi.
Bul Túrkistan qalasynyń shynaiy rýhani astanaǵa ainalý múmkindigi. Qalanyń barsha josparyn, basplanyn qaita qaraý kerek. Búgingi qarqyny, damý úrdisi múldem jańa qyrynan jasalýy shart. Qalaǵa aldymen mindetti túrde kóshetin júzdegen qazaq otbasy, ósken-damyǵan saiyn arman qýǵan myńdaǵan jastar tartyla bastaidy. Etnobalansy men áleýmettik statýsy ózgeredi degen sóz.
Oblys ataýyn da ózgertý degenniń qisyny bar. Sonymen qatar bir sheshimmen Semei, BQO, Pavlodardy ózgertse tipti qatyp keter edi! Balama nusqalary bar: Semei - Alash, Pavlodar - Ertis, BQO - Aqjaiyq degendei. Basqa da ataýlary bar.
Eger osy joba iske assa oǵan ǵalamat qoǵamdyq baqylaý ornatý qajet. Ár jobanyń ashyqtyǵy, esep-qisabyn ashyq júrgizýdi qamtamasyz etý shart.
Aidos Sarymnyń feisbýktegi jazbasynan
