Ońtústik Qazaqstan oblysynyń Ádilet departamentine jańa basshy taǵaiyndaldy. Birazdan beri bos turǵan orynǵa QR Ádilet ministrliginiń sheshimimen Orynbasar Tastanov jaiǵasty, dep habarlaidy "Ult aqparat".
Jańa basshyny departament ujymyna QR Ádilet ministrligi kadr qyzmeti departamentiniń direktory Qanat Tájibaev tanystyrdy.
Orynbasar Tastanov 1975 jyly Shymkent irgesindegi Aqtas aýylynda dúniege kelgen. 2004 jyly Qaraǵandy memlekettik ýniversitetin támamdap, eńbek jolyn oblystyq Sport departamentinen bastaǵan. Búginge deiin QR Ádilet ministrliginde qyzmet etip, mol tájiribe jinaqtaǵan maman. Ol ońtústiktegi ujymǵa da bóten emes. Ońtústiktiń týmasy óńirdegi departamentte talai jyl eńbek etken. 2008 jyldan bastap Tólebi, Sairam, Saryaǵash aýdandarynda Ádilet basqarmasy basshysynyń orynbasary bolyp qyzmet etken. Oblystyq departamentte de basshynyń orynbasary laýazymyn atqardy.
Departamenttiń jańa basshysy áriptesterin birlesip jumys isteýge shaqyrdy. Birlik, yntymaq pen túsinistik uialaǵan ortanyń eńbegi eseli tirligi berekeli bolatynyn jetkizdi.
