2017 jylǵy 1 - maýsymǵa Ońtústik Qazaqstan oblysy halqynyń sany 2 894 816 adam, sonyń ishinde qalalyq jerde 1 317 031, aýyldyq jerde 1 577 785 adamdy qurady. Ótken jylǵy tiisti kezeńmen salystyrǵanda halyq sany 1 paiyzǵa nemese 28 448 adamǵa artyp otyr. Búgin bul týraly Aimaqtyq kommýnikatsiialar qyzmetinde ótken brifingte Ońtústik Qazaqstan oblystyq Statistika departamentiniń basshysy Aidar Ábildabekov málim etti.
«Respýblika boiynsha bizdiń oblys týý men tabiǵi ósimi kórsetkishteri boiynsha 1- orynda. Aǵymdaǵy jyldyń bes aiynda oblys týý boiynsha respýblika deńgeiinde aldyńǵy qatarynda kórindi. Onyń úlesi 20,2 paiyzdy nemese 31 409 balany qurady. 2017 jylǵy qańtar-mamyr ailarynda 1000 qyz balaǵa 1 076 ul bala týyldy. Bul jerde ul baldardyń kóp týylý tendentsiiasy saqtalýda»,- dedi Aidar Ahmetbekuly.
Halyqtyń jalpy sanynyń ózgerýi tikelei tabiǵi ósim, iaǵni halyqtyń týylǵandar men ólgender sanynyń ózgerýi jáne kóshi-qon ósimi áser etedi. Oblysta 2017 jylǵy qańtar-mamyr ailarynda halyqtyń tabiǵi ósimi 25 234 adamdy quraǵan.
Al, biylǵy I toqsanda halyqtyń ortasha bir aida jan basyna shaqqandaǵy ataýly aqshalai tabystary 41 069 teńgeni qurap, 2016 jyldyń tiisti kezeńimen salystyrǵanda 1,1 paiyzǵa ósken. Al naqty aqshalai tabys 6,7 paiyzǵa tómendegen. 2017 jylǵy I toqsanda halyqtyń aqshalai tabystarynyń basty kózi – eńbek qyzmetinen túsken. Osy kezeńde halyqtyń aqshalai shyǵystarynyń 95,8 paiyzy tutyný shyǵystaryna – azyq túlik jáne azyq túlik emes taýarlary men aqyly qyzmetterge ketken. 2017 jylǵy 1-shi toqsanda oblys boiynsha bir qyzmetkerdiń ortasha ailyq ataýly jalaqysy 95 705 teńgeni qurap, 2016 jyldyń tiisti toqsanymen salystyrǵanda 3 paiyzǵa artqan.
Aita keteiik, osy toqsanda eń joǵary ortasha ailyq jalaqy Sozaq aýdanynda 187 854 teńge bolyp belgilendi. Al eń tómen jalaqy Tólebi aýdanynda – 75 824 teńgeniń kóleminde bolyp otyr.
Baspasóz jiyny barysynda departament basshysy jýrnalister tarapynan qoiylǵan saýaldarǵa da jaýap berdi. Bul rette tilshiler eńbek naryǵy jáne eńbek aqy tóleý, azyq-túlik baǵasy, saýda naryǵy týraly naqty aqparattar aldy.
