Alty aida Ońtústik Qazaqstan oblysyna tartylǵan investitsiia kólemi 180,6 mlrd teńgege jetip, ótken jyldyń osy kezimen salystyrǵanda 133,0%-ke ósken, dep habarlaidy oblys ákiminiń baspasóz qyzmeti.
Biylǵy jyldyń alty aiynda Ońtústik Qazaqstan oblysyna tartylǵan investitsiia kólemi 180,6 mlrd. teńgeni qurap, ótken jyldyń tiisti kezeńimen salystyrǵanda 133,0%-ga ósken. Sondai-aq indýstriialdy-innovatsiialyq damý baǵdarlamasy boiynsha kásipkerlikti qoldaý kartasy aiasynda oblysymyzda jalpy quny 208 mlrd.teńgeni quraityn 162 joba iske qosylyp otyr. Bul óz kezeginde 9,5 myń jańa jumys ornyn ashýǵa múmkindik berdi.
Budan bólek, óńirde biylǵy jyly 37,1 mlrd. teńgeni quraityn 17 jobany iske qosý kózdelse, búgingi tańda quny 1,7 milliard teńgeni quraityn 3 zaýyt óz jumysyn bastap ketti.
«Júzege asqan jobanyń biri - Shymkent qalasyndaǵy vafli óndirý fabrikasy. Munda jylyna 1700 tonna ónim óndirý kózdelip otyr. Ekinshi joba - «Aziia agro» JShS-gi Otyrar aýdanynda júgeri óńdeý isin qolǵa alyp otyr. Úshinshi joba - Sozaq aýdanynda ýran óndirisine arnalǵan polietilen shyǵaratyn zaýyt óz jumysyn bastap jiberdi», - deidi oblystyq kásipkerlik, indýstrialdy - innovatsiialyq damý jáne týrizm basqarmasynyń basshysy Batyrhan Qurmanseiit.
Jalpy oblysymyz investitsiiaǵa tartymdy óńir bolyp tabylady. Ázirge investitsiia tartý boiynsha Shymkent qalasy, Otyrar, Tólebi, Saryaǵash aýdandary kósh bastaǵan.
Investorlardyń qyzyǵýshylyq tanytyp otyrǵan salalary farmatsevtika toqyma óndirisi, jeńil ónerkásip jáne aýyl sharýashylyǵyndaǵy qaita óńdeý ónerkásibi bolyp tur.
Budan bólek, mashina jasaý, týrizm, «Aqyldy qala" salalary boiynsha yntymaqtastyq ornatý, tájiribe almasý maqsatynda Germaniia, Ulybritaniia, Grýziia, Ispaniia, Italiia, Túrkiia, Resei jáne t.b. memleketterine resmi saparlar josparlanýda. Mundai sharalar óńirimizdiń investitsiialyq múmkindikterin tanystyryp, jańa áriptestik qatynas ornatýǵa jol ashady.
Osydan 5 jyl buryn óńirimizde shaǵyn jáne orta biznes sýbektileriniń sany 120 myń bolsa, sońǵy 5 jylda bul kórsetkish kóbeiip, 176 684-ke jetip otyr. Al, osy salaǵa investitsiia tartý boiynsha oblysymyz respýblikada aldyńǵy orynǵa shyqty. Jalpy oblys ekonomikasyna 2016 jyly 380,6 mlrd.teńge investitsiia tartylǵan.
