Biyl Qazaqstan Respýblikasynyń eńbek sińirgen qairatkeri, dástúrli ánshi Tatiana Býrmistrova 60 jasqa tolyp otyr. Búgin osy merekeli dataǵa orai Ońtústik Qazaqstan oblysynyń ákimi Janseiit Túimebaev ánshimen arnaiy kezdesip, mereili mereitoiymen quttyqtady, dep habarlaidy "Ult aqparat" óńir basshysynyń baspasóz qyzmetine silteme jasap.
Dástúrli ánshi ónerge sarp etken 31 jylynda qazaq halqynyń tól týyndylary men termelerin naqyshyna keltire oryndap qana qoimai, el arasynda joǵary deńgeide nasihattap keledi.
«Men sizdiń qazaq ánine, qazaqtyń ónerine degen qurmetińizge tánti bolamyn. Siz shyǵarmashylyq ǵumyryńyzdy halyq qazynasyn dáripteýge arnaǵan jansyz. Sizdiń bul qadamyńyz kóp ultty táýelsiz elimiz úshin óshpes ónege, úlgi bolarlyq dúnie», - dedi Janseiit Qanseiituly.
Qazaqtyń án-termesin 30 jyldan asa ýaqyttan beri dəriptep eliniń súiispenshiligine bólenip júrgen orys qyzy Tatiana Býrmistrova Bəidibek aýdanyndaǵy Alǵabas aýylynda dúniege kelgen.
Orys otbasynda týyp-ósken oǵan qalyń qazaqtyń ishinde júrip, tildi meńgerý qiynǵa soqpaǵan, sol siiaqty mýzykaǵa degen qyzyǵýshylyq onyń 7 jasynan dombyra úirenýge degen yqylasyn oiatqan. Almatydaǵy meditsina institýtynda oqyp júrgende respýblikalyq «Altybaqan», «Tamasha» siiaqty telehabarlarǵa túsip, ánshi retinde elge keńinen tanyla bastady.
Óz kezeginde sóz alǵan Tatiana Býrmistrova shyǵarmashylyǵyna erekshe baǵa bergen óńir basshysyna alǵysyn jaýdyryp, aldaǵy josparlarymen bólisti.
«Búgin oblystyq orys drama teatrynda «Áieldiń jasy 18...» atty shyǵarmashylyq keshimdi bergeli otyrmyn. Meniń bul qadamymdy týyp, ósken jerime, týǵan topyraǵyma, kieli Ońtústigime esep berý dep qabyldaǵan jón. Elbasymyzdyń «Bolashaqqa baǵdar: rýhani jańǵyrý» maqalasynda aitylǵan qazaq halqynyń kody meniń oiymsha osy qazaqy dástúrinde, qazaqy ánderinde dep túsinemin», - dedi dástúrli ánshi.
Búgin oblystyq orys drama teatrynda dástúrli ánshiniń «Áieldiń jasy 18...» atty shyǵarmashylyq keshi keshi ótedi. Teatr foiesinde «Qiiaǵa qanat qaqty qansha armanym!» atty ánshi ómirinen fotokórme uiymdastyrylsa, «Qońyr daýys» derekti filmi kórsetilip, onda ánshi ómiri men óner jolyndaǵy qyzyqty da tartysty kezeńder beinelenedi.
Shyǵarmashylyq kesh «Men qazaqtyń qyzymyn», «Aq tamaq» ánderi jáne teatrlandyrylǵan qoiylymdarmen bastaý alyp, T. Býrmistrova ónerine arnalǵan óleńderden poetikalyq kompozitsiia, halyq ánderinen sazdy án shashýlar men «Áieldiń jasy 18» syrlasý ánder oryndalady.
