Aldaǵy qazan aiynda Ońtústik Qazaqstan oblysyndaǵy jedel meditsinalyq kómek qyzmetin halyqaralyq standarttarǵa sáikestendirý maqsatynda biryńǵai Call-ortalyǵymen planshet arqyly bailanyspen jabdyqtalǵan 74 birlik sanitarlyq avtokólik jumysyn bastaityn bolady. Atalǵan jańa júie árbir meditsinalyq kómek brigadasyna naýqasqa jetý ýaqytynda onlain rejimde patsient týraly aqparat alýǵa múmkindik beredi. Búgin bul týraly qaladaǵy №4 oblystyq perinataldy ortalyǵynda Premer-ministr Baqytjan Saǵyntaev bastaǵan jumysshy top aldynda baiandama jasaǵan oblystyq densaýlyq saqtaý basqarmasynyń basshysy Muhan Egizbaev málim etti, dep habarlaidy "Ult aqparat".
Oblystyń meditsinalyq uiymdaryn keshendi meditsinalyq aqparattyq júiemen qamtamasyz etý maqsatynda eki kezeńde júzege asyrylatyn is-sharalar jospary bekitilip, tiisti jumystar atqarylýda. Birinshi kezeńge sáikes, jyl basynan beri oblystyń 35 ambýlatoriialyq-emhanalyq uiymynda meditsinalyq aqparattyq júie ornatylǵan. Ekinshi kezeńge sáikes jyldyń sońyna deiin 68 meditsinalyq uiymda meditsinalyq aqparattyq júie qurý josparlanyp otyr.
«Oblysymyzda keshendi meditsinalyq aqparattyq júie qoldanysqa engizilýde. Bul júieni iske asyrý úshin biz kompiýterlik tehnikanyń 8582 birligin satyp aldyq. Jyldyń sońyna deiin oblystyń barlyq meditsinalyq uiymdary 100 paiyz kompiýtermen jabdyqtalatyn bolady. Iaǵni, biryńǵai server meditsinalyq uiymdardy patsient týraly elektrondyq aqparat almasý úshin bailanystyrady. Jinaq aqparat avtomattandyrylǵan túrde jergilikti atqarýshy organdardaǵy sitýatsiialyq ortalyǵyna túsip otyrady», - deidi Muhan Egizbaev.
Jańa júie qolanysqa ense, qaǵaz túrindegi qujat ainalymy azaiyp, naýqastardyń meditsinalyq uiymdary arasynda bostan-bos júrýin edáýir qysqartady. Sondai-aq, oblys halqy respýblikada alǵashqylardyń biri bolyp, elektrondyq densaýlyq pasporttaryna qol jetkizbek.
Biyl oblysymyzda modýldik iaǵni quramaly meditsinalyq pýnktterdi satyp alý joba iske qosyldy. Jyl sońyna deiin 20 modýldik meditsinalyq pýnkter el igiline berilmek. Osyndai bir pýnkttiń quny jergilikti biýdjet úshin qurylys salýǵa qaraǵanda eki ese arzanǵa túsedi. Máselen, qurylys júrgizýge 2 jyldai ýaqyt ketetin bolsa, modýldik meditsinalyq bekterdi 2 ai ishinde qurastyryp, turǵyzýǵa múmkindik bar. 2018 jyly oblysymyzda dál osyndai quramaly meditsinalyq pýnktterdiń sany 67-ge jetkizilmek. Atalǵan joba tolyq iske assa, oblystyń meditsinalyq pýnktterge degen qajettiligin qysqa merzimde 100 paiyzǵa óteýge múmkindik týǵalyt otyr.
Oblysymyzda ana ólim–jitiminiń kórsetkishi aǵymdaǵy jyldyń 8 aiynda 44 paiyzǵa tómendegen. Sondai-aq, náresteler ólim–jitiminiń kórsetkishi sońǵy 5 jyl ishinde serpindi túrde tómendep keledi. Óitkeni, óńirde balalar men bosanatyn áielderge járdem berý maqsatynda meditsinalyq kómek kórsetýdiń biriktirilgen úlgisi qoldanysqa endirildi.
Atqarylǵan jumystarǵa oń baǵa bergen Úkimet basshysy jedel meditsinalyq kómek qyzmetin halyqaralyq standarttarǵa sáikestendirý maqsatyndaǵy jumystardy jyl sońyna deiin aiaqtaýdy tapsyrdy.
