Ońtústik Qazaqstan oblysy Saryaǵash aýdany Abai aýylynyń turǵyndary men kórshi aýyldyń turǵyndary arasynda atys boldy, - dep habarlaidy "Ult aqparat".
Atys shyǵarǵandardyń jasy shamamen 25-30-da. Quqyq qorǵaý organdarynyń ókilderi bul málimetti rastady. Tótenshe jaǵdai saldarynan eki adam túrli jaraqattarmen aýrýhanaǵa jetkizilgen. Atysqa qatysqandardyń biri qaitys bolǵan.
Ol týraly QR IIM resmi ókili Almas Sádýbaev málim etti. "Keshe Ońtústik Qazaqstan oblysy Saryaǵash qalasynda jergilikti turǵyn jekkórýshilik qarym-qatynastyń negizinde kórshi aýyldyń turǵynyna oq atty. Er adam aýrýhanada kóz jumdy", - dedi ol óz habarlamasynda.
Al, aýdandyq sottyń sýdiasy Samal Keńesova qylmysqa qatysy bar úsh kúdiktiniń ustalǵanyn aitty. Saryaǵash aýdandyq sotynyń sanktsiiasymen úsheýi de qamaýǵa alynǵan.
Sottyń resmi ókiliniń sózinshe, qylmysty oqiǵa 4 sáýir kúni túngi saǵat 22.00-der shamasynda Abai aýylyndaǵy dámhana janynda bolǵan. Top bolyp tóbeleskender tergeýmen anyqtalmaǵan qarý qoldanyp, atys uiymdastyrǵan.
«7 sáýir kúni úsh tulǵany eki aiǵa qamaýǵa alý týraly sot satsktsiiasy shyqty. Kúdiktilerdiń biri 1985 jyl týǵan azamatqa qatysty Qylmystyq kodekstiń 293 -baby 3-bóliginiń 2-tarmaǵymen is qozǵalyp, buzaqylyq jasaǵan dep kúdiktelýde. Al, 1996 jáne 1993 jyly týǵan turǵyndarǵa qatysty Qylmystyq kodekstiń 24-baby 3-bóligi arqyly 99-baptyń 2-bóligi 1,7,9-tarmaqtarymen is qozǵaldy. Olar úsh jábirlenýshilerge qatysty buzaqylyq nietpen adamdar tobynyń aldyn ala sózbailasýy arqyly eki nemese odan kóp adamdy óltirý iaǵni basqa adamdy quqyqqa qarsy qasaqana qazaǵa ushyratýǵa oqtalǵan dep kúdiktelgen», - deidi Samal Jolmuratqyzy.
Al, oblystyq densaýlyq saqtaý departamenti baspasóz qyzmetiniń málimetinshe, qazir aýdandyq aýrýhanada eki jábirlenýshi jatyr. Olardyń biriniń jaǵdaiy aýyr bolǵandyqtan jansaqtaý bóliminde em qabyldaýda. Ekinshisi palataǵa aýystyryldy.
Jergilikti turǵyndardyń aitýynsha, politsiia qyzmetkerleri tótenshe jaǵdai bolǵan jerde kúsheitilgen rejimde táýlik boiy jumys istep jatyr.
