Ońtústik Qazaqstan oblysynda jergilikti túrli deńgeidegi máslihattar depýtattaryn sailaýyna daiyndyq jumystary Konstitýtsiialyq zańnyń talaptaryna sai kezeń-kezeńimen atqarylýda, dep habarlaidy oblys ákiminiń baspasóz qyzmeti.
Oblystyq sailaý komissiiasy taǵaiyndaǵan saiasi is-shara 2017 jylǵy 29 qazan kúni ótedi. Bul týraly búgin OQO óńirlik kommýnikatsiialar qyzmetinde ótken brifingte oblystyq sailaý komissiiasynyń tóraǵasy Á.Ómiráliev málim etti.
Tóraǵanyń aitýynsha, máslihat depýtattyǵyna barlyǵy 42 úmitker usynylǵan, onyń ishinde 38 úmitker tirkelip otyr. Qalǵan 4 úmitker tirkeýge qajetti qujattardy «Qazaqstan Respýblikasynyń sailaý týraly» konstitýtsiialyq zańynyń talaptaryna sai okrýgtik komissiiaǵa tapsyrmaǵan.
«Osy úmitkerlerdi partiialyq quramy jaǵyna qaraityn bolsaq, «Nur Otan» partiiasynan - 7 úmitker, «Aq jol» partiiasynan 1 úmitker tirkeldi. Partiialyǵy kórsetilmegeni - 21 úmitker bolsa, 9 úmitker partiiada joq», - dedi Á.Ómiráliev.
Máslihat depýtattarynyń sailaýy 7 okrýgte ótkiziledi. Oblystyq máslihatqa sailaý 4 okrýgte ótedi. Olar - Shymkent qalasyndaǵy №11, 35 jáne Shardara aýdanyndaǵy № 49, 50 okrýgter. Qalalyq máslihatqa - 2 okrýg (Shymkent qalasyndaǵy №22, Túrkistan qalasyndaǵy №7). Aýdandyq máslihatqa Saryaǵash aýdanynan №22 okrýgte sailaý ótedi. Oblystyq máslihatqa 23 úmitker tirkelse, qalalyq máslihatqa - 12 úmitker, aýdandyq máslihatqa 3 úmitker tirkeldi.
Aita keteiik, eń jas úmitker - oblystyq máslihatqa úmitker, Shymkent qalasynyń turǵyny Janǵali Temirbaev (21 jasta). Al jasy eń úlken úmitker - №7 Túrkistan qalalyq okrýgten túskeli otyrǵan Sársenbek Jarqynbekov (64 jasta).
2017 jyldyń 3 qazanynda saǵat 24:00-de úmitkerlerdi tirkeý aiaqtalyp, jeke úmitkerlerdiń sailaý aldyndaǵy úgit-nasihat jumystary 4 qazannan bastaldy.
