Ońtústik Qazaqstan oblysynda «Latyn álipbiine kóshý ultymyzdyń jarqyn bolashaǵy» taqyrybynda eksperttik talqylaý ótti, dep habarlaidy Ult.kz tilshisi QazAqparat agenttigine silteme jasap.
Basqosýǵa Qazaqstan Respýblikasynyń Prezidenti janyndaǵy Qazaqstannyń strategiialyq zertteýler institýtynyń taldaý mamandary, oblystyń ziialy qaýym ókilderi men joǵary oqý oryndarynyń oqytýshylary men stýdentteri, til mamandary qatysty.
Qazaqstannyń strategiialyq zertteýler institýty men OQO ishki saiasat basqarmasynyń uiymdastyrýymen ótken talqylaýda Qazaqstannyń Strategiialyq zertteýler institýtynyń «Áleýmettik-saiasi zertteýler» bóliminiń jetekshisi Alýa Joldybalina latyn álipbiine kóshýdiń joldary jáne álemdik deńgeidegi latyn álipbiiniń mańyzdylyǵyn naqty ǵylymi aiǵaqtarmen aityp ótti.
Sondai-aq, latyn álipbiine ótken memleketterdiń tájiribelerin kórsetip, oǵan ótý jalpy orta eseppen 12-15 jyl ýaqyt talap etetindigin jáne latyn álipbiine kóshý barysynda qazaq tiliniń úndestik zańdylyqtaryn saqtaý qajettigine toqtaldy.
Al, halyqaralyq «Alash» syilyǵynyń laýreaty Marhabat Baiǵut latyn álipbine kóshý ýaqyttyń talaby ekendigin aityp, usynylǵan 25 áripterdi eshqandai ózgeristerge ushyratpai sol qalpynda qaldyrýdy qoldaityndyǵyn jetkizdi.
Sonymen qatar, filologiia ǵylymdarynyń doktory, professor, Muhtar Áýezov atyndaǵy OQMÝ-dyń filologiia fakýltetiniń dekany Bolatbek Tileýberdiev latyn álipbiine kóshýdiń qazirgi jastar úshin jańa zamanaýi tehnologiiany igerýdiń birden-bir joly ekendigin aitty. Oqý ornynyń jaratylystaný fakýltetiniń 3 kýrs stýdenti Alisher Hamraev latyn álipbiine kóshýdi jastar qoldaityndyǵyn jáne túrki tildes memleketter arasyndaǵy qarym-qatynastyń nyǵaiýyna zor múmkindik beretinin aityp ótti.
