Mindetti zeinetaqy jarnalary boiynsha salymshylardyń shottarynyń sany aǵymdaǵy jyldyń 1 qazanynda 1 003 000 uiashyqty qurady. Oblys salymshalarynyń zeinetaqy jinaqtary jyldyń basynan 13,4 paiyzǵa ósip, 501,6 mlrd. teńgege ulǵaidy. Búgin bul týraly OQO óńirlik kommýnikatsiialar qyzmetinde ótken brifingte «QR ulttyq banki» RMM OQ filialynyń direktory Ánýar Botanbekov málim etti, dep habarlaidy "Ult aqparat" óńir basshysynyń baspasóz qyzmetine silteme jasap.
Ánýar Amangeldiulynyń aitýynsha, Ońtústik Qazaqstan oblysynyń syrtqy saýda ainalymy 2017 jyldyń qańtar-tamyz ailarynda 1,9 mlrd. AQSh dollaryn quraǵan. Sonyń ishinde eksport - 720,6 mln. AQSh dollary, al import - 1 134,4 mln. AQSh dollaryna jetken.
«2017 jyldyń 9 aiynda Ulttyq Banktiń altyn valiýtalyq rezervteri 10,2 paiyzǵa deiin ósti. Al ulttyq qordyń shetel valiýtasyndaǵy aktivteri 56,8 mlrd. AQSh dollaryn qurady. Sondai-aq, Qazaqstannyń syrtqy qaryzy birinshi jartyjyldyqta 4,2 mlrd. dollarǵa ósip, 167,9 mlrd. dollarǵa jetip otyr. Sonymen qatar, bankterdiń kredit berý belsendiligin arttyrý jalǵasyp keledi. Máselen, jyldyń basynan bankterdiń oblystaǵy kreditteriniń kólemi 4,8 paiyzǵa ulǵaidy», - dedi Ánýar Botanbekov.
Budan bólek, Ońtústik Qazaqstan oblysynda jinaqtalǵan infliatsiia deńgeii 9 aida 4,8 paiyzdy quraǵan. Bul ótken jylǵy kórsetkishten 6,4 paiyzǵa tómen bolyp otyr.
