مٸندەتتٸ زەينەتاقى جارنالارى بويىنشا سالىمشىلاردىڭ شوتتارىنىڭ سانى اعىمداعى جىلدىڭ 1 قازانىندا 1 003 000 ۇياشىقتى قۇرادى. وبلىس سالىمشالارىنىڭ زەينەتاقى جيناقتارى جىلدىڭ باسىنان 13,4 پايىزعا ٶسٸپ, 501,6 ملرد. تەڭگەگە ۇلعايدى. بٷگٸن بۇل تۋرالى وقو ٶڭٸرلٸك كوممۋنيكاتسييالار قىزمەتٸندە ٶتكەن بريفينگتە «قر ۇلتتىق بانكٸ» رمم وق فيليالىنىڭ ديرەكتورى ەنۋار بوتانبەكوۆ مەلٸم ەتتٸ, دەپ حابارلايدى "ۇلت اقپارات" ٶڭٸر باسشىسىنىڭ باسپاسٶز قىزمەتٸنە سٸلتەمە جاساپ.
ەنۋار امانگەلدٸۇلىنىڭ ايتۋىنشا, وڭتٷستٸك قازاقستان وبلىسىنىڭ سىرتقى ساۋدا اينالىمى 2017 جىلدىڭ قاڭتار-تامىز ايلارىندا 1,9 ملرد. اقش دوللارىن قۇراعان. سونىڭ ٸشٸندە ەكسپورت - 720,6 ملن. اقش دوللارى, ال يمپورت - 1 134,4 ملن. اقش دوللارىنا جەتكەن.
«2017 جىلدىڭ 9 ايىندا ۇلتتىق بانكتٸڭ التىن ۆاليۋتالىق رەزەرۆتەرٸ 10,2 پايىزعا دەيٸن ٶستٸ. ال ۇلتتىق قوردىڭ شەتەل ۆاليۋتاسىنداعى اكتيۆتەرٸ 56,8 ملرد. اقش دوللارىن قۇرادى. سونداي-اق, قازاقستاننىڭ سىرتقى قارىزى بٸرٸنشٸ جارتىجىلدىقتا 4,2 ملرد. دوللارعا ٶسٸپ, 167,9 ملرد. دوللارعا جەتٸپ وتىر. سونىمەن قاتار, بانكتەردٸڭ كرەديت بەرۋ بەلسەندٸلٸگٸن ارتتىرۋ جالعاسىپ كەلەدٸ. مەسەلەن, جىلدىڭ باسىنان بانكتەردٸڭ وبلىستاعى كرەديتتەرٸنٸڭ كٶلەمٸ 4,8 پايىزعا ۇلعايدى», - دەدٸ ەنۋار بوتانبەكوۆ.
بۇدان بٶلەك, وڭتٷستٸك قازاقستان وبلىسىندا جيناقتالعان ينفلياتسييا دەڭگەيٸ 9 ايدا 4,8 پايىزدى قۇراعان. بۇل ٶتكەن جىلعى كٶرسەتكٸشتەن 6,4 پايىزعا تٶمەن بولىپ وتىر.
