Búgin OQO Óńirlik kommýnikatsiialar qyzmetinde oblystyq kásipkerlik, indýstrialdy-innovatsiialyq damý jáne týrizm basqarmasynyń basshysy Batyrhan Qurmanseiit jyl basynan beri atqarylǵan jumystar týraly baspasóz konferentsiiasyn ótkizdi.
Onda spiker Memleket basshysynyń 5 institýtsionaldy reformasyn júzege asyrýǵa baǵyttalǵan «100 naqty qadam» Ult Josparynyń 3-shi baǵytynda kórsetilgen indýstriialandyrý boiynsha jáne damý úderisi saqtalǵan mańyzdy áleýmettik-ekonomikalyq kórsetkishter týraly baiandady.
Basqarma basshysynyń málimetinshe, osy jyldyń segiz aiynda oblystaǵy ónerkásip kásiporyndarymen 510,1 mlrd. teńgeniń ónimi óndirilgen. Onyń ishinde óńdeý ónerkásibimen 353 mlrd. tg. ónimi óndirildi.
Sonymen qatar, ol óńirde kásipkerlikti qoldaý maqsatynda Indýstriialdy-innovatsiialyq damý baǵdarlamasy sátti júrgizilip jatqanyn atap ótti. «Indýstriialyq-innovatsiialyq damý baǵdarlamasy sheńberinde 2015-2019 jyldary Kásipkerlikti qoldaý kartasy boiynsha quny 1,2 trln. teńgege 17,5 myńnan astam jumys ornyn quraityn 135 jobany iske asyrý josparlanǵan. Búgingi tańda memlekettik baǵdarlamanyń aiasynda 47,7 mlrd. tg. quraityn 49 joba iske asyryldy. Onda 1900-den astam turaqty jumys orny ashyldy. 2017 jyly 37 mlrd. teńgeni quraityn 17 jobany iske qosý kózdelgen. Esepti kezeńde quny 2,3 mlrd. teńgeni quraityn 5 joba iske qosyldy», - dedi basqarma basshysy.
Jalpy jyldyń sońyna deiin 34,7 mlrd. teńgeni quraityn 12 joba iske qosylady. Búgingi tańda iske qosylǵan jobalardyń 94%-y josparlyq qýattylyqty igerip, 71 mlrd.teńgeniń ónimin óndirdi. Óńdeý ónerkásibindegi úlesi 21 paiyzǵa jetken.
Budan bólek, Batyrhan Qurmanseiit «Ońtústik» arnaiy ekonomikalyq aimaǵynda jalpy investitsiia sommasy 34,3 mlrd. teńgeni quraityn 10 joba júzege asyrylǵanyn atap ótti. Iaǵni bul kásiporyndarmen 22,7 mlrd. teńgege ónim óndirilse, óndirilgen taýarlar Germaniia, Angliia, Koreia, Túrkiia, Resei syndy 15-ten astam elderge eksporttalǵan. Atalaǵan aimaqta osy jyldyń sońynda jalpy investitsiia kólemi 2,6 mlrd. teńge quraityn 3 joba iske qosylady dep kútilýde.
