Ońtústik Qazaqstan oblysynda «Nurly jer» baǵdarlamasymen kópqabatty 364 turǵyn úi salynýda. Búgin bul týraly selektorlyq májiliste oblystyq qurylys basqarmasynyń basshysy Quttybek Jamashev málim etti, dep habarlaidy "Ult aqparat" ákimdiktiń baspasóz qyzmetine silteme jasap.
Basqarma basshysynyń aitýynsha, «Nurly jer» baǵdarlamasy negizgi 5 baǵytta júzege asyrylyp jatyr. Onyń alǵashqysy - ipotekalyq kredit berýdiń qoljetimdiligin arttyrý jobasymen 96 turǵyn úidiń qurylys bastalǵan. Al jeke qurylys salýshylar esebinen 107 turǵyn úidiń qurylysy júrgizilýde. Sondai-aq turǵyn úi qurylys jinaqtar júiesi arqyly 73 keredittik turǵyn úi salynýda. Budan bólek, jalǵa beriletin turǵyn úi qory qurylyp, 88 jeke turǵyn úidiń qurylysy qolǵa alynatyn bolady. Osynyń nátijesinde óńirde satylatyn páterler sany kóbeiip, ipotekalyq kredit alýshylar sany arta túspek.
«2017 jyly oblysta 16 jeke salýshylar esebinen 107 kóp qabatty turǵyn úilerdiń qurylysy júrgizilýde. Aǵymdaǵy jyly 11 úidiń qurylysyn aiaqtap paidalanýǵa tapsyrý josparlansa, 96 úidiń qurylysy 2018 jylǵa ótpeli. Jeke qurylys salýshylardy yntalandyrý maqsatynda jalpy quny 17,5 mlrd. teńgeni quraityn 7 jobany iske
Jiyn barysynda oblysymyzda qurylys jumystary kesteden kesheýildep jatqan mektepterdiń de jai kúii sóz boldy. Bul rette Shymkent qalasyndaǵy «Tasken turǵyn alabyndaǵy №103 orta mektebine 600 oqýshy oryndyq jańa oqý blogyn salý» nysany boiynsha qarjy josparǵa sáikes 100 paiyz igerilgen. Alaida, B korpýsynyń qurylysynda 10-15 kún óndiristik kesteden keshigý baiqalady.
Sonymen qatar, oryndalǵan jumys kóleminiń joq bolýyna bailanysty esepti kezeńge josparlanǵan 650 mln. teńgeniń 66 mln. teńgesi igerilmegen. Sondai-aq Qazyǵurt aýdany Qyzylseńgir eldi mekenindegi 300 oryndyq orta mekteptiń A blogynyń qurylys jumystary bekitilgen óndiristik kesteden 5-10 kún shamasynda keshigýde. Dál osyndai kemshilik Maqtaral aýdany Ferdaýsi aýylyndaǵy Ferdaýsi atyndaǵy 600 oryndyq mektep pen Ordabasy aýdany Shubar sý aýylyndaǵy 600 oryndyq bilim uiasynyń qurylysynda da qaitalanyp otyr.
«Mektep qurylysyn kesteden kesheýildetkender jaýapqa tartylady. Osy rette qurylysy jumys kestesinen kesheýildep jatqan mektepterdiń qurylys jumystarynyń ýaqytyly jáne sapaly júrgizilýine baqylaýdy kúsheitýdi, jyl qorytyndysymen aǵymdaǵy jylǵa josparlanǵan jumystardy tolyq oryndaý arqyly, qarajylardy tiimdi igerilýin qamtamasyz etýdi tapsyramyn», - dedi Janseiit Qanseiituly.
Jiyndy qorytqan óńir basshysy «Nurly jer» baǵdarlamasy aiasynda salynyp jatqan turǵyn úiler men Ulttyq qor qarjysy esebinen boi kóterip jatqan mektepterdiń qurylysyn merziminde aiaqtaýdy qadaǵalaýdy aýdan, qala ákimderine tapsyrdy.
