وڭتٷستٸك قازاقستان وبلىسىندا «نۇرلى جەر» باعدارلاماسىمەن كٶپقاباتتى 364 تۇرعىن ٷي سالىنۋدا. بٷگٸن بۇل تۋرالى سەلەكتورلىق مەجٸلٸستە وبلىستىق قۇرىلىس باسقارماسىنىڭ باسشىسى قۇتتىبەك جاماشەۆ مەلٸم ەتتٸ, دەپ حابارلايدى "ۇلت اقپارات" ەكٸمدٸكتٸڭ باسپاسٶز قىزمەتٸنە سٸلتەمە جاساپ.
باسقارما باسشىسىنىڭ ايتۋىنشا, «نۇرلى جەر» باعدارلاماسى نەگٸزگٸ 5 باعىتتا جٷزەگە اسىرىلىپ جاتىر. ونىڭ العاشقىسى - يپوتەكالىق كرەديت بەرۋدٸڭ قولجەتٸمدٸلٸگٸن ارتتىرۋ جوباسىمەن 96 تۇرعىن ٷيدٸڭ قۇرىلىس باستالعان. ال جەكە قۇرىلىس سالۋشىلار ەسەبٸنەن 107 تۇرعىن ٷيدٸڭ قۇرىلىسى جٷرگٸزٸلۋدە. سونداي-اق تۇرعىن ٷي قۇرىلىس جيناقتار جٷيەسٸ ارقىلى 73 كەرەديتتٸك تۇرعىن ٷي سالىنۋدا. بۇدان بٶلەك, جالعا بەرٸلەتٸن تۇرعىن ٷي قورى قۇرىلىپ, 88 جەكە تۇرعىن ٷيدٸڭ قۇرىلىسى قولعا الىناتىن بولادى. وسىنىڭ نەتيجەسٸندە ٶڭٸردە ساتىلاتىن پەتەرلەر سانى كٶبەيٸپ, يپوتەكالىق كرەديت الۋشىلار سانى ارتا تٷسپەك.
«2017 جىلى وبلىستا 16 جەكە سالۋشىلار ەسەبٸنەن 107 كٶپ قاباتتى تۇرعىن ٷيلەردٸڭ قۇرىلىسى جٷرگٸزٸلۋدە. اعىمداعى جىلى 11 ٷيدٸڭ قۇرىلىسىن اياقتاپ پايدالانۋعا تاپسىرۋ جوسپارلانسا, 96 ٷيدٸڭ قۇرىلىسى 2018 جىلعا ٶتپەلٸ. جەكە قۇرىلىس سالۋشىلاردى ىنتالاندىرۋ ماقساتىندا جالپى قۇنى 17,5 ملرد. تەڭگەنٸ قۇرايتىن 7 جوبانى ٸسكە
جيىن بارىسىندا وبلىسىمىزدا قۇرىلىس جۇمىستارى كەستەدەن كەشەۋٸلدەپ جاتقان مەكتەپتەردٸڭ دە جاي كٷيٸ سٶز بولدى. بۇل رەتتە شىمكەنت قالاسىنداعى «تاسكەن تۇرعىن الابىنداعى №103 ورتا مەكتەبٸنە 600 وقۋشى ورىندىق جاڭا وقۋ بلوگىن سالۋ» نىسانى بويىنشا قارجى جوسپارعا سەيكەس 100 پايىز يگەرٸلگەن. الايدا, ب كورپۋسىنىڭ قۇرىلىسىندا 10-15 كٷن ٶندٸرٸستٸك كەستەدەن كەشٸگۋ بايقالادى.
سونىمەن قاتار, ورىندالعان جۇمىس كٶلەمٸنٸڭ جوق بولۋىنا بايلانىستى ەسەپتٸ كەزەڭگە جوسپارلانعان 650 ملن. تەڭگەنٸڭ 66 ملن. تەڭگەسٸ يگەرٸلمەگەن. سونداي-اق قازىعۇرت اۋدانى قىزىلسەڭگٸر ەلدٸ مەكەنٸندەگٸ 300 ورىندىق ورتا مەكتەپتٸڭ ا بلوگىنىڭ قۇرىلىس جۇمىستارى بەكٸتٸلگەن ٶندٸرٸستٸك كەستەدەن 5-10 كٷن شاماسىندا كەشٸگۋدە. دەل وسىنداي كەمشٸلٸك ماقتارال اۋدانى فەرداۋسي اۋىلىنداعى فەرداۋسي اتىنداعى 600 ورىندىق مەكتەپ پەن ورداباسى اۋدانى شۇبار سۋ اۋىلىنداعى 600 ورىندىق بٸلٸم ۇياسىنىڭ قۇرىلىسىندا دا قايتالانىپ وتىر.
«مەكتەپ قۇرىلىسىن كەستەدەن كەشەۋٸلدەتكەندەر جاۋاپقا تارتىلادى. وسى رەتتە قۇرىلىسى جۇمىس كەستەسٸنەن كەشەۋٸلدەپ جاتقان مەكتەپتەردٸڭ قۇرىلىس جۇمىستارىنىڭ ۋاقىتىلى جەنە ساپالى جٷرگٸزٸلۋٸنە باقىلاۋدى كٷشەيتۋدٸ, جىل قورىتىندىسىمەن اعىمداعى جىلعا جوسپارلانعان جۇمىستاردى تولىق ورىنداۋ ارقىلى, قاراجىلاردى تيٸمدٸ يگەرٸلۋٸن قامتاماسىز ەتۋدٸ تاپسىرامىن», - دەدٸ جانسەيٸت قانسەيٸتۇلى.
جيىندى قورىتقان ٶڭٸر باسشىسى «نۇرلى جەر» باعدارلاماسى اياسىندا سالىنىپ جاتقان تۇرعىن ٷيلەر مەن ۇلتتىق قور قارجىسى ەسەبٸنەن بوي كٶتەرٸپ جاتقان مەكتەپتەردٸڭ قۇرىلىسىن مەرزٸمٸندە اياقتاۋدى قاداعالاۋدى اۋدان, قالا ەكٸمدەرٸنە تاپسىردى.
