Ońtústik Qazaqstan oblysy Saryaǵash aýdanynda nashaqorlyqqa jáne esirtki biznesine qarsy is-qimylǵa baǵyttalǵan memlekettik organdardyń qyzmetin úilestirý jónindegi óńirlik vedomstvoaralyq shtabynyń seminar keńesi bolyp ótti. Keńestiń kún tártibinde shtabtyń jumysyn odan ári jetildirý jáne jandandyrý máselesi qaraldy, dep habarlaidy QazAqparat tilshisi.
Seminar keńeske nashaqorlyq jáne esirtki biznesine qarsy is-qimylǵa baǵyttalǵan memlekettik organdardyń qyzmetin úilestirý jónindegi vedomstvoaralyq shtab músheleri, qala, kent, aýyl jáne aýyldyq okrýg ákimderiniń atalǵan salaǵa jaýapty mamandary qatysty.
Jiynda aýdan ákiminiń orynbasary, nashaqorlyq jáne esirtki biznesine qarsy is-qimylǵa baǵyttalǵan memlekettik organdardyń qyzmetin úilestirý jónindegi vedomstvoaralyq shtab tóraǵasy Qudiret Qystaýbaev sóz sóilep, ózekti máselege toqtaldy. Oblysta nashaqorlyqqa jáne esirtki biznesine qarsy kúrestiń 2016-2020 jyldarǵa arnalǵan damý baǵdarlamasyn iske asyrý boiynsha is-sharalar josparlardy tarqatyp aitty. Osyǵan orai, jospardy sapaly oryndaý úshin shtabqa múshe vedomstvolardyń ózara birlesken is-áreketterin odan ári jetildirý jaiyn sóz etti. Josparǵa sáikes, jyl aiaǵyna deiin aýdandaǵy qala, kent, aýyl jáne aýyldyq okrýgterde aýdannyń narkology, aýdandyq ishki ister basqarmasy esirtki biznesine qarsy kúres tobynyń jedel ýákili, aýdandyq salaýatty ómir saltyn qalyptastyrý ortalyǵynyń dárigerleri turǵyndarmen kezdesý ótkizetin bolady. Ol basqosýlardyń tiimdi bolýy úshin aýyldyń kózi qaraqty aqsaqaldary men bilerin, ziialy qaýym ókilderi men mektepterdiń tárbie isi jónindegi direktorlaryn, psihologtar men ýchaskelik politsiia inspektorlaryn, jumyssyz jastardy kezdesýge qatystyrý tapsyryldy.
