Bul týraly OQO Óńirlik kommýnikatsiialar qyzmetinde ótken oblystyq energetika jáne turǵyn úi-kommýnaldyq sharýashylyq basqarmasynyń basshysy M.Maraiymnyń Ońtústik Qazaqstan oblysynyń 2017-2018 jyldardaǵy jylý berý maýsymynyń daiyndyq barysy týraly bergen baspasóz konferentsiiasynda aityldy, dep habarlaidy OQO ákiminiń baspasóz qyzmeti.
«Búginge deiin bilim salasyna qajetti 134 myń tonna qatty otynnyń 72,5 myń tonnasyn, densaýlyq saqtaý salasyna qajetti 27,5 myń tonnanyń 25,5 myń tonnasyn, mádeniet salasyna 422 tn, sport salasyna 1,7 myń tn, jumyspen qamtý salasyna 1,7 myń tn. qatty otyn jetkizip úlgerdik. Sol siiaqty oblystaǵy biýdjettik mekemelerge qajetti suiyq otyn kólemi 5,8 mln. litr bolsa, búgingi kúnge tasymaldanǵany 2,6 mln. litr, iaǵni, jumystar 45%-ǵa oryndaldy. Ortalyqtandyrylǵan jylýmen qamtamasyz etetin mekemelerge qajetti qatty otyn (kómir) kólemi 106,014 myń tonna, tasymaldanǵany 16 myń tn. (15%). Qazirgi kezde tek qana «KentaýServis» MKK tasymaldanýda. Bul jumystar áli de jalǵasyn tabady», - dedi M.Maraiym.
Sonymen birge, baspasóz jiynynda basqarma basshysy ortalyqtandyrylǵan jylýmen qamtamasyz etiletin kópqabatty turǵyn úilerdiń jaiyna da toqtaldy. Aitýynsha, osy jyldyń 1 qarashasyna deiin 2327 kópqabatty turǵyn úi ortalyq qazandyqqa qosylýy tiis. Ázirge, 1150 turǵyn úi jylý berýge daiyn bolsa, munyń úlestik salmaǵy 49 paiyzǵa teń.
Tilshilermen bolǵan kezdesýde anyqtalǵan taǵy bir aqpar, sala mamandary «Nurly jol» baǵdarlamasy jáne oblystyq biýdjet qarjysy arqyly ortalyqtandyrylǵan jylý qubyrlarynyń 31 shaqyrymyn (barlyǵy 58,3 shq.) qaita qurý jáne aǵymdaǵy jóndeý jumystarynan ótkizgen. Al ortalyqtandyrylǵan aýyz sý qubyrlaryn qaita qurý jumystaryna kelsek, jóndeýden ótýi tiis 75,3 shaqyrym sý qubyrynyń qazirgi tańda 50,4 shaqyrymy (67%) jumysqa saqadai sai. Jumystardy aiaqtaý qazan aiynyń 15-ne josparlanǵan.
