Ońtústik Qazaqstanda oblys prokýrory jáne oblys ákiminiń tóraǵalyq etýimen zańdylyqty, quqyqtyq tártip pen qylmysqa qarsy kúresti qamtamasyz etý jónindegi Úilestirý keńesiniń jáne terrorizmge qarsy kúres komissiiasynyń birlesken májilisi ótti. Jiynǵa oblystyq, aýdandyq jáne qalalyq deńgeidegi quqyq qorǵaý jáne memlekettik organdardyń birinshi basshylary qatysty, dep habarlaidy QazAqparat tilshisi.
Úilestirý keńesiniń otyrysynda dini ekstremizm men terrorizmge qarsy ýákiletti organdar tarapynan qoldanylǵan is-qimyl sharalarynyń tiimdiligine júrgizilgen taldaý nátijeleri talqylandy. Jiynǵa qatysqandar dástúrli emes dini aǵymdardyń qyzmetine tosqaýyl qoiyp, tabynýshylardyń betburysyn dástúrli dinge ótkizý jaiyn talqylady. Dini ahýaldy jaqsartý tetikterin qarap, prokýratýramen ázirlengen quzyrly organdardyń ózara áreket etý algoritmderi nazarǵa usynyldy.
Sonymen qatar, prokýratýranyń bastamasy negizinde oblystaǵy etnosaralyq jaǵdaidy turaqtandyrý men ultaralyq qaqtyǵystardyń aldyn alý jáne boldyrmaý máselesi de sóz boldy.
Atalǵan baǵyttarda óńirdegi problemalyq máselelerge nazar aýdarylyp, olardy sheshý joldary boiynsha prokýratýra tarapynan oblys ákimine birneshe usynystar berildi. Onyń negizinde, jergilikti atqarýshy organdarda arnaiy qurylymdar qurý, neǵurlym qaýip baiqalatyn óńirlerde teologtardy kóbeitip, turaqty jumysyn uiymdastyrý qajettigi aityldy. Jekelegen qala, aýdan prokýratýralarynda mekemearalyq Ortalyqtar qurý qarastyryldy. Qatysýshylar tarapynan da birqatar usynystar berildi. Oblys ákimi tarapynan usynystar qoldaý taýyp, ózimen metodikalyq-ádistemelik quraldardy daiyndaý maqsatynda jumysshy toptar qurý usynyldy.
Májilis qorytyndysymen quqyq qorǵaý jáne memlekettik organ basshylaryna naqty tapsyrmalar belgilenip, uiymdastyrýshylyq turǵyda birqatar sheshimder qabyldandy.
