Elbasynyń «Bolashaqqa baǵdar: rýhani jańǵyrý» baǵdarlamalalyq maqalasynyń jariialanǵanyna 6 aidan astam ýaqyt ótti. Osy ýaqyt aralyǵynda qandai jetistikter bar? Nendei kemshilikter nazardan tys qalyp otyr? Búgin bul saýaldarǵa Ońtústik Qazaqstan oblysy ákiminiń orynbasary Ulasbek Sádibekovtiń tóraǵalyǵymen ótken jiynda jan-jaqty jaýap izdeldi. Májiliske barlyq aýdan, qala ákimderiniń orynbasarlary men ishki saiasat bólimderiniń basshylary men baspasóz hatshylary qatysty.
Jiyndy ashyp, júrgizip otyrǵan Ulasbek Sádibekuly eń aldymen Elbasynyń jaryq kórgen latyn álipbiine kezeń-kezeńmen ótýge bailanysty jarlyǵyna sáikes atqarylatyn jumystardyń kúsheitiletinin atap ótti.
«Elbasy qazaq tili álipbiin latyn grafikasyna kóshirý týraly Jarlyqqa qol qoidy. Jarlyqtyń tolyq nusqasy "Egemen Qazaqstan" gazetinde jariialanyp otyr. Onda «Qazaq tili álipbiiniń 2025 jylǵa deiin latyn grafikasyna kezeń-kezeńimen kóshýin qamtamasyz etsin; osy Jarlyqty iske asyrý jóninde ózge de, sonyń ishinde uiymdastyrýshylyq jáne zańnamalyq sipattaǵy, sharalar qabyldasyn» delingen. Endeshe, búginnen bastap, osy jarlyqtyń oryndalýyn baqylaýǵa alyp,barshashamyz jumyla jumys isteýimiz qajet», - dedi Ulasbek Sádibekuly.
Jiynda sondai-aq Astana qalasynyń 20 jyldyq mereitoiy qarsańynda atqarylatyn is-sharalar josparyn ázirleý men aýdan, qala ákimdikterindegi BAQ quraldarynyń belsendiligin arttyrý máseleleri talqylandy.
Oblysta «Rýhani jańǵyrý» baǵdarlamasynyń júzege asyrylýy týraly jáne Qazaqstan Respýblikasynyń Elordasy – Astana qalasynyń 20 jyldyǵyna daiyndyq boiynsha oblystyq ishki saiasat basqarmasy basshysynyń mindetin atqarýshy Sábit Isabai baiandama jasady. Onyń aitýynsha, búgingi tańda oblysymyzda «Rýhani jańǵyrý» baǵdarlamasy aiasynda 1127 is-shara ótkizilip, oǵan 720 myńǵa jýyq adam qatysqan. Máselen «Týǵan jer» baǵyty aiasynda 66 joba, 121 is-shara júzege asyrylýda.
Ekinshi másele – Astana qalasynyń 20 jyldyq mereitoiy qarsańynda bekitilgen tujyrymdamaǵa sáikes oblystyń is-sharalar josparynyń jobasy ázirlengen. Jiyn barysynda barlyq aýdan, qalalarǵa óz is-sharalar josparyn ázirleý júkteldi. Atalǵan is-shara úsh kezeńnen turýy qajet. Birinshi daiyndyq kezeńi – 2017 jylǵy 10 jeltoqsanǵa deiin, ekinshi daiyndyq kezeńi – 2017 jylǵy 10 jeltoqsannan bastalyp, 2018 jyldyń 6 shildesine deiin belgilenip otyr. Úshinshi kezeń – 2018 jylǵy 6 shildeden 31 jeltoqsanǵa deiingi aralyqty quraidy.
Jiyndy qorytqan oblys ákiminiń orynbasary Ulasbek Sádibekov «Rýhani jańǵyrý» baǵdarlamasynda naqtylaǵan 6 baǵyt boiynsha barlyq aýdan, qalalarǵa kýratorlar bekitilgenin málim etti. Sondai-aq ol jinalǵandardy baǵdarlamanyń der kezinde iske asýyna kúsh salýǵa shaqyrdy.
