Ońtústik Qazaqstan oblysynyń ákimi J.Túimebaev 1 qazan - Halyqaralyq qarttar kúni merekesine orai uiymdastyrylǵan «Altyn jas - Zolotoi vozrast» atty merekelik sharaǵa qatysty. Onda óńir basshysy qazynaly qariialardy merekemen quttyqtap, birqatar ardagerlerdi marapattady, dep habarlaidy "Ult aqparat".
Ortalyq saiabaqta densaýlyq saqtaý basqarmasynyń uiymdastyrýymen ótken is-sharada oblystyń bilikti dárigerleri qart kisilerdi tegin diagnostikalyq tekserýden ótkizip, keńesterin berdi. Ardagerlerdi saýyqtyrý isine de erekshe mán berilip keletinin aitqan ákim, deni saý urpaq qalyptastyrýda jas urpaqqa úlgi bolýdy aitty.
«Qazaqstan azamattarynyń densaýlyǵyn jaqsartý jáne ómir jasyn uzartý – Prezident saiasatynyń eń basty mindetteriniń biri. Sizderdiń ómirlik tájiribelerińiz ben aqyl-keńesterińizdiń orny biz úshin qashanda bólek. Salamatty ómir saltyn ustanyp, deni saý urpaq qalyptastyrýda Sizder úlgi bolýlaryńyz qajet», - dedi aimaq basshysy.
Saiabaqqa jinalǵan jurtshylyq kontserttik baǵdarlamamen qatar ardagerler arasynda ótken shahmat týrnirin tamashalady. Myń buralǵan kásibi bishiler óner kórsetip, ánshilermen jarysa oblystaǵy yntymaǵy jarasqan barlyq etnos ókilderi óz tilderinde ánder shyrqady. Osylaisha qazan aiynyń alǵashqy kúni Shymkenttiń shyraiy ardagerlermen ajarlana tústi.
Sonymen qatar, 30 qyrkúiek pen 7 qazan aralyǵynda egde jastaǵy adamdardyń densaýlyǵyn nyǵaitý jáne salaýatty ómir daǵdylaryn qalyptastyrý maqsatynda oblys kólemindegi aýrýhana-emhanalarda ashyq esik kúnderi ótedi. Al bir ai kóleminde oblys boiynsha Uly Otan soǵysynyń ardagerlerine meditsina qyzmetkerleri úilerine baryp, qajet kómek kórsetetin bolady.
Aita keteiik, oblysta 223 myń zeinetker bolsa, onyń 218-i Uly Otan soǵysynyń ardagerleri, 4946-y maidanǵa qatysýshylar men múgedektikke teńestirilgender bolyp tabylady. Al 18 myńnan astamy tyl eńbekkerleri bolsa, 100-ge jýyǵy júz jastaǵy jáne júzden asqan qart kisiler. Búgingi tańda memleketpen kepildendirilgen tólemder kólemi jyl saiyn kóterilýde, oblystyq jáne jergilikti biýdjetter qarjysy esebinen de túrli áleýmettik qoldaýlar uiymdastyrylyp keledi. Máselen, «Qamqorlyq» aktsiiasy sheńberinde biyldyń ózinde 72 myńnan astam ardagerge 494,3 mln teńge kóleminde túrli áleýmettik kómekter kórsetildi. Al azamattardy saýyqtyrýda oblys ortalyǵyndaǵy «Ardagerler úii» men «Meiir» ardagerler úiinde jylyna 8 myńǵa jýyq adam em alyp, demalady.
