Ońtústik Qazaqstan oblysynda Astana kúni merekesi qarsańynda «Asqaqtai ber, Astana!» atty kontserttik shara uiymdastyryldy. Shara shymyldyǵyn túrgen Ońtústik Qazaqstan oblysynyń ákimi Janseiit Túimebaev jinalǵan jurtshylyqty Astana kúnimen quttyqtap, elordamyz- Astana qalasynnyń 20 jylda jetken jetistikterine toqtaldy.
«Barshańyzdy Astana kúnimen shyn júrekten quttyqtaimyn! Elbasymyz Nursultan Ábishuly Nazarbaev osydan 23 jyl buryn iaǵni 1994 jyldyń 6 shildesinde Joǵarǵy Keńestiń otyrysynda astanany aýystyrý jónindegi óte mańyzdy bastamasyn kótergen bolatyn. Táýelsizdiktiń alǵashqy jyldaryndaǵy qiyndyqty bastan keship jatqandyqtan árine, jalpy qoǵam bul ideiany tolyq qoldai almady. Elbasymyz tabandy saiasatkerge tán minezben memeleket taǵdyryndaǵy tańdaýly sátte taisalmai, barlyǵyn sendire bildi. Prezidentimizdiń kóregendiligin dál búgingi ýaqyt aina-qatesiz kórsetip tur», - dedi J. Túimebaev.
Munan soń oblys ákimi birqatar azamattyń omyraýyna «Oblysqa sińirgen eńbegi úshin» tósbelgisin taqty. Marapattalǵandardyń qatarynda Ońtústik Qazaqstan oblysy qorǵanys ister jónindegi departamentiniń basshysy Talǵat Áliqulov, Ońtústik Qazaqstan oblystyq sotynyń tóraǵasy Talǵat Baratbekov, Memlekettik qyzmet isteri jáne sybailas jemqorlyqqa qarsy is-qimyl agenttiginiń tóraǵasy Ali Kómekbaev syndy taǵy basqa azamattar bar.
Is-shara sońy merekelik kontserttik baǵdarlamaǵa ulasty. Astana kúnine arnalǵan «Arnaý» kompozitsiiasy shyrqaldy. Qazaqtyń tarihynan syr shertetin Q.Ahmediiarovtyń «Elbasy», Qurmanǵazynyń «Saryarqa» kúilerin «Súgir» atyndaǵy qazaq ult aspaptar orkestri oryndady. J.Shanin atyndaǵy oblystyq akademiialyq qazaq drama teatry men oblystyq ázil-syqaq teatry ártisteriniń oryndaýynda «Ata-baba amanaty» teatrlandyrylǵan qoiylymy kórsetildi.
«Dala danalyǵy» biin myń buralǵan bishiler - «Qazyna» bi ansambli oryndap, «Tumar» folklorlyq ansambliniń súiemeldeýimen Qarakóz Abdýsharipova, Óserbai Bórihanov, Turar Álmenov, Altynai Ákim, Baǵdat Seiitbekovter Elbasynyń súiikti ánderinen popýrri shyrqap, №2 Saz mektebi jáne qalalyq balalar men jasóspirimder ortalyǵy oqýshylarynyń «Asqaqtai ber, Astana!» poetikalyq-sazdy kompozitsiiasyna ulasady. Is-sharanyń sońynda barlyq is-shara qatysýshylary N.Nazarbaevtyń sózine jazylǵan B.Tileýhannyń «Elim meniń» ánin áýeletti.
