OQO-da ana ólimi eki esege azaidy. Bul týraly óńirlik kommýnikatsiialar qyzmetinde ótken baspasóz máslihatynda Densaýlyq saqtaý basqarmasynyń basshysy Muqan Egizbaev habarlady.
Onyń aitýynsha, respýblikalyq kórsetkishten tómen mundai jetistikke oblysta tuńǵysh ret qol jetkizildi.
«Oblysta analar jáne náresteler ólim-jitimin tómendetý maqsatynda júieli sharalar qoldanylyp, balalar men bosanatyn áielderge járdem berý qyzmetinde meditsinalyq kómek kórsetýdiń biriktirilgen úlgisi tabysty endirildi. Qoldanylyp jatqan sharalar nátijesinde sońǵy birneshe jyl ishinde kórsetkishterdiń turaqty tómendeýine qol jetkizildi. Statistika komitetiniń málimetteri boiynsha oblysta ana ólim-jitiminiń kórsetkishi aǵymdaǵy jyldyń 8 aiynda 41,7% azaiyp, alǵash ret respýblikalyq kórsetkishten tómen boldy. Aǵymdaǵy jylǵy 9 aiynyń aldyn ala málimetteri boiynsha ana ólim-jitim kórsetkishi 2 esege tómendedi», - dedi M.Egizbaev.
Spikerdiń sózinshe, Ońtústik Qazaqstan oblysynda «Jol kartasy» sheńberinde 2017 jylǵy 9 aiynyń qorytyndysymen, densaýlyq saqtaý júiesiniń negizgi indikatorlaryna qol jetkizildi. Oblysta 5 negizgi áleýmettik máni bar juqpaly emes aýrýlar - jiti miokard infarkti, mi qanainalymynyń jiti buzylysy (insýlt), qaterli isikter, jaraqattar, ana men bala densaýlyǵyn qorǵaý qyzmeti boiynsha aýrýshańdyq jáne ólim-jitim kórsetkishteri respýblikalyq kórsetkishterden tómen.
Ońtústik Qazaqstan oblysynyń turǵyndaryna 104 meditsinalyq uiym kómek kórsetedi. Onyń 38-i emhanalyq jáne 49-y aýrýhanalyq mekeme. Olarda 7950 dáriger, 24874 orta býyn meditsinalyq qyzmetker jumys isteidi.
