Búginde Ońtústik Qazaqstan oblysynda aýyl sharýashylyǵy kooperativterin qurý jumysy qarqyndy túrde júrgizilýde. Osy maqsatta oblys ákimi J.Túimebaevtyń tapsyrmasymen jyl basynan beri aýyl sharýashylyǵyn memlekettik qoldaý sharalary men kooperativterdiń artyqshylyqtary týraly oblystyń barlyq aýdan-qalalarynda mamandandyrylǵan kóshpeli seminar-keńester uiymdastyrylyp keledi, dep habarlaidy Ult.kz tilshisi.
Dál osyndai kezekti seminar Shymkent qalasynda uiymdastyryldy. Bul jolǵy shara óńirdegi sút klasterin damytýǵa arnalyp otyr. Jiynǵa oblysymyzdyń barlyq aýdandarynan aýyl sharýashylyǵy basqarmasynyń mamandary, qarjy uiymdarynyń ókilderi, sharýalar men kooperativ músheleri qatysty. Sharanyń maqsaty - aýyl sharýashylyǵy kooperativterin qurýdaǵy máseleler men kedergilerdi anyqtap, sharýalarǵa ákimdik tarapynan barynsha qoldaý kórsetý.
Seminar shymyldyǵyn túrgen oblys ákimi Janseiit Túimebaev kooperativ tóraǵalaryna 10 modýldi sút qabyldaý beketiniń kilitterin saltanatty túrde tabys etti.
Aita keteiik, quny 5 mln teńge turatyn sút beketteriniń 50 paiyzy memleket tarapynan sýbsidiialanǵan. Sý jańa beketter sút saqtaýǵa arnalǵan tanker, tabysyn eselep qana qoimai, óńirdegi sút óndirisin órkendetýge sep bolmaq.
«Jyl basynda qolǵa alynǵan mamandandyrylǵan kóshpeli seminarlar búginde óz nátijesin berip otyr. Túsindirý, úgit-nasihat jumystarynyń arqasynda óńirde 55 myńnan astam usaq sharýa qojalyqtary biriktirilgen kooperativter sany 596-ǵa jetti. Osy kórsetkishke orai oblysymyz respýblikada kósh bastap otyrǵanyn aita ketken jón», - dedi Janseiit Túimebaev.
Seminar barysynda oblysta sút óndirisin damytý jaiy talqylanyp, sharaýlar osy salaǵa baǵyttalǵan memlekettik qoldaýlar men jeńildikter jaily paidaly aqparttar aldy. Sharýalar tarapanynan qoiylǵan saýaldarǵa qarjy uiymdarynyń ókilderi men sala mamandary tiisti jaýaptaryn berip, aqyl-keńesterimen bólisti.
Sondai-aq óńirde memlekettik qoldaý kólemi jyldan-jylǵa ulǵaiyp keledi. Máselen, biyl aýyl sharýashylyǵy salasyn nesielendirýge respýblika boiynsha 27 mlrd. teńge bólinse, sonyń 3,2 mlrd teńgesi Ońtústik Qazaqstan oblysyna baǵyttalyp otyr.
Budan bólek, «Nátijeli jumyspen qamtý» baǵdarlamasy jáne «QazAgro» AQ OQO enshiles mekemeleri arqyly sharýalar men kooperativ múshelerine túrli baǵdarlamalar boiynsha jyldyq 6 paiyzben nesieler berilýde. Búgingi kúni músheler sany 20-dan joǵary kooperativterde 33 sút qabyldaý beketteri jumys istep tur. Qazirgi tańda sút qabyldaý beketterine aýyl sharýashylyǵy arqyly 439 mln teńge investitsiialyq sýbsidiia berilgen. Onyń ishinde 18 sút qabyldaý beketine 50,8 mln sýbsidiia tólenip otyr.
