بٷگٸندە وڭتٷستٸك قازاقستان وبلىسىندا اۋىل شارۋاشىلىعى كووپەراتيۆتەرٸن قۇرۋ جۇمىسى قارقىندى تٷردە جٷرگٸزٸلۋدە. وسى ماقساتتا وبلىس ەكٸمٸ ج.تٷيمەباەۆتىڭ تاپسىرماسىمەن جىل باسىنان بەرٸ اۋىل شارۋاشىلىعىن مەملەكەتتٸك قولداۋ شارالارى مەن كووپەراتيۆتەردٸڭ ارتىقشىلىقتارى تۋرالى وبلىستىڭ بارلىق اۋدان-قالالارىندا مامانداندىرىلعان كٶشپەلٸ سەمينار-كەڭەستەر ۇيىمداستىرىلىپ كەلەدٸ, دەپ حابارلايدى ۇلت.كز تٸلشٸسٸ.
دەل وسىنداي كەزەكتٸ سەمينار شىمكەنت قالاسىندا ۇيىمداستىرىلدى. بۇل جولعى شارا ٶڭٸردەگٸ سٷت كلاستەرٸن دامىتۋعا ارنالىپ وتىر. جيىنعا وبلىسىمىزدىڭ بارلىق اۋداندارىنان اۋىل شارۋاشىلىعى باسقارماسىنىڭ ماماندارى, قارجى ۇيىمدارىنىڭ ٶكٸلدەرٸ, شارۋالار مەن كووپەراتيۆ مٷشەلەرٸ قاتىستى. شارانىڭ ماقساتى - اۋىل شارۋاشىلىعى كووپەراتيۆتەرٸن قۇرۋداعى مەسەلەلەر مەن كەدەرگٸلەردٸ انىقتاپ, شارۋالارعا ەكٸمدٸك تاراپىنان بارىنشا قولداۋ كٶرسەتۋ.
سەمينار شىمىلدىعىن تٷرگەن وبلىس ەكٸمٸ جانسەيٸت تٷيمەباەۆ كووپەراتيۆ تٶراعالارىنا 10 مودۋلدٸ سٷت قابىلداۋ بەكەتٸنٸڭ كٸلٸتتەرٸن سالتاناتتى تٷردە تابىس ەتتٸ.
ايتا كەتەيٸك, قۇنى 5 ملن تەڭگە تۇراتىن سٷت بەكەتتەرٸنٸڭ 50 پايىزى مەملەكەت تاراپىنان سۋبسيدييالانعان. سۋ جاڭا بەكەتتەر سٷت ساقتاۋعا ارنالعان تانكەر, تابىسىن ەسەلەپ قانا قويماي, ٶڭٸردەگٸ سٷت ٶندٸرٸسٸن ٶركەندەتۋگە سەپ بولماق.
«جىل باسىندا قولعا الىنعان مامانداندىرىلعان كٶشپەلٸ سەمينارلار بٷگٸندە ٶز نەتيجەسٸن بەرٸپ وتىر. تٷسٸندٸرۋ, ٷگٸت-ناسيحات جۇمىستارىنىڭ ارقاسىندا ٶڭٸردە 55 مىڭنان استام ۇساق شارۋا قوجالىقتارى بٸرٸكتٸرٸلگەن كووپەراتيۆتەر سانى 596-عا جەتتٸ. وسى كٶرسەتكٸشكە وراي وبلىسىمىز رەسپۋبليكادا كٶش باستاپ وتىرعانىن ايتا كەتكەن جٶن», - دەدٸ جانسەيٸت تٷيمەباەۆ.
سەمينار بارىسىندا وبلىستا سٷت ٶندٸرٸسٸن دامىتۋ جايى تالقىلانىپ, شاراۋلار وسى سالاعا باعىتتالعان مەملەكەتتٸك قولداۋلار مەن جەڭٸلدٸكتەر جايلى پايدالى اقپارتتار الدى. شارۋالار تاراپانىنان قويىلعان ساۋالدارعا قارجى ۇيىمدارىنىڭ ٶكٸلدەرٸ مەن سالا ماماندارى تيٸستٸ جاۋاپتارىن بەرٸپ, اقىل-كەڭەستەرٸمەن بٶلٸستٸ.
سونداي-اق ٶڭٸردە مەملەكەتتٸك قولداۋ كٶلەمٸ جىلدان-جىلعا ۇلعايىپ كەلەدٸ. مەسەلەن, بيىل اۋىل شارۋاشىلىعى سالاسىن نەسيەلەندٸرۋگە رەسپۋبليكا بويىنشا 27 ملرد. تەڭگە بٶلٸنسە, سونىڭ 3,2 ملرد تەڭگەسٸ وڭتٷستٸك قازاقستان وبلىسىنا باعىتتالىپ وتىر.
بۇدان بٶلەك, «نەتيجەلٸ جۇمىسپەن قامتۋ» باعدارلاماسى جەنە «قازاگرو» اق وقو ەنشٸلەس مەكەمەلەرٸ ارقىلى شارۋالار مەن كووپەراتيۆ مٷشەلەرٸنە تٷرلٸ باعدارلامالار بويىنشا جىلدىق 6 پايىزبەن نەسيەلەر بەرٸلۋدە. بٷگٸنگٸ كٷنٸ مٷشەلەر سانى 20-دان جوعارى كووپەراتيۆتەردە 33 سٷت قابىلداۋ بەكەتتەرٸ جۇمىس ٸستەپ تۇر. قازٸرگٸ تاڭدا سٷت قابىلداۋ بەكەتتەرٸنە اۋىل شارۋاشىلىعى ارقىلى 439 ملن تەڭگە ينۆەستيتسييالىق سۋبسيدييا بەرٸلگەن. ونىڭ ٸشٸندە 18 سٷت قابىلداۋ بەكەتٸنە 50,8 ملن سۋبسيدييا تٶلەنٸپ وتىر.
