Agrarly aimaq - Ońtústik Qazaqstan oblysy ozyq tehnologiialardy qoldanýda kósh bastap tur. Máselen, jańa bastamamen oblysta alǵash ret 59 gektar jerge jańǵaq, 7 gektarǵa badamsha egildi. Al, tamshylatyp sýǵarý ádisi 7,5 myń ga endirilip, jalpy kólemi 58,5 myń ga jetti. Bul respýblikalyq úlestiń 72 paiyzyn qurap otyr.
Sondai-aq, óńirde jalpy jylyjailar kólemi 1 294 gektardan assa, biyldyń ózinde 171 ga jerge jylyjai salyndy. Bul elde bar jylyjailardyń 80 paiyzyn quraidy.
Osyndai ozyq tehnologiiany qoldanýdyń arqasynda oblystaaýyl sharýashylyǵynyń jalpy ónim kólemi 57 mlrd. teńgege kóbeiip, 376,5 mlrd teńgeni qurady. Biylǵy jyly sharýalar bidai men arpanyń ár gektarynan 18,3 tsentnerden ónim alyp, 400 myń tonnaǵa jýyq astyqty qambaǵa quidy. Odan bólek, 116 myń tonna jemis-jidek, 919 myń tonna kókónis, 77 myń tonna júzim, 295 myń tonna kartop pen 1,3 mln tonna baqsha daqyldaryn jinady.
Sonymen birge, aýdandardyń geografiialyq jáne klimattyq erekshelikterine bailanysty ár aýdannyń áleýetin tiimdi paidalaný jáne aýyl sharýashylyǵy ónimderin ulǵaitý maqsatynda ósimdik sharýashylyǵyn damytýdyń negizgi baǵyttary aiqyndaldy. Atap aitqanda, egin alqaptarynda tereń qopsytý jáne tikelei sebý ádisin paidalaný, taýly aimaq - Tólebi, Túlkibas, Qazyǵurt, Báidibek, Sairam aýdandarynda bidai daqylynyń ornyna erte merzimdik kartop egý, jańǵaqty jáne jidek daqyldarynyń kóshetterin otyrǵyzý jáne ósirý shyǵyndarynyń qunyn jergilikti biýdjetten sýbsidiialaý máselesi qarastyrylmaq.
Oblystyq aýyl sharýashylyǵy basqarmasynyń mamandary osy baǵyttaǵy jumystar aldaǵy jyldary da óz jalǵasyn tabatynyn aityp otyr.
OQO ákiminiń baspasóz qyzmeti
