اگرارلى ايماق - وڭتٷستٸك قازاقستان وبلىسى وزىق تەحنولوگييالاردى قولدانۋدا كٶش باستاپ تۇر. مەسەلەن, جاڭا باستامامەن وبلىستا العاش رەت 59 گەكتار جەرگە جاڭعاق, 7 گەكتارعا بادامشا ەگٸلدٸ. ال, تامشىلاتىپ سۋعارۋ ەدٸسٸ 7,5 مىڭ گا ەندٸرٸلٸپ, جالپى كٶلەمٸ 58,5 مىڭ گا جەتتٸ. بۇل رەسپۋبليكالىق ٷلەستٸڭ 72 پايىزىن قۇراپ وتىر.
سونداي-اق, ٶڭٸردە جالپى جىلىجايلار كٶلەمٸ 1 294 گەكتاردان اسسا, بيىلدىڭ ٶزٸندە 171 گا جەرگە جىلىجاي سالىندى. بۇل ەلدە بار جىلىجايلاردىڭ 80 پايىزىن قۇرايدى.
وسىنداي وزىق تەحنولوگييانى قولدانۋدىڭ ارقاسىندا وبلىستااۋىل شارۋاشىلىعىنىڭ جالپى ٶنٸم كٶلەمٸ 57 ملرد. تەڭگەگە كٶبەيٸپ, 376,5 ملرد تەڭگەنٸ قۇرادى. بيىلعى جىلى شارۋالار بيداي مەن ارپانىڭ ەر گەكتارىنان 18,3 تسەنتنەردەن ٶنٸم الىپ, 400 مىڭ تونناعا جۋىق استىقتى قامباعا قۇيدى. ودان بٶلەك, 116 مىڭ توننا جەمٸس-جيدەك, 919 مىڭ توننا كٶكٶنٸس, 77 مىڭ توننا جٷزٸم, 295 مىڭ توننا كارتوپ پەن 1,3 ملن توننا باقشا داقىلدارىن جينادى.
سونىمەن بٸرگە, اۋدانداردىڭ گەوگرافييالىق جەنە كليماتتىق ەرەكشەلٸكتەرٸنە بايلانىستى ەر اۋداننىڭ ەلەۋەتٸن تيٸمدٸ پايدالانۋ جەنە اۋىل شارۋاشىلىعى ٶنٸمدەرٸن ۇلعايتۋ ماقساتىندا ٶسٸمدٸك شارۋاشىلىعىن دامىتۋدىڭ نەگٸزگٸ باعىتتارى ايقىندالدى. اتاپ ايتقاندا, ەگٸن القاپتارىندا تەرەڭ قوپسىتۋ جەنە تٸكەلەي سەبۋ ەدٸسٸن پايدالانۋ, تاۋلى ايماق - تٶلەبي, تٷلكٸباس, قازىعۇرت, بەيدٸبەك, سايرام اۋداندارىندا بيداي داقىلىنىڭ ورنىنا ەرتە مەرزٸمدٸك كارتوپ ەگۋ, جاڭعاقتى جەنە جيدەك داقىلدارىنىڭ كٶشەتتەرٸن وتىرعىزۋ جەنە ٶسٸرۋ شىعىندارىنىڭ قۇنىن جەرگٸلٸكتٸ بيۋدجەتتەن سۋبسيدييالاۋ مەسەلەسٸ قاراستىرىلماق.
وبلىستىق اۋىل شارۋاشىلىعى باسقارماسىنىڭ ماماندارى وسى باعىتتاعى جۇمىستار الداعى جىلدارى دا ٶز جالعاسىن تاباتىنىن ايتىپ وتىر.
وقو ەكٸمٸنٸڭ باسپاسٶز قىزمەتٸ
