Prezident Ákimshiligi kelisimimen jáne Ońtústik Qazaqstan oblysy ákimi Janseiit Túimebaevtyń ókimimen OQO ákiminiń orynbasary bolyp Baýyrjan Saldaruly Jamalov taǵaiyndaldy. Bul týraly búgin óńir basshysy kadrlyq másele boiynsha ótken májiliste málimdedi, dep habarlaidy "Ult aqparat" OQO ákiminiń baspasóz qyzmetine silteme jasap.
– Oblys ákiminiń orynbasary laýazymy bos ekendigi ózderińizge belgili. Osyǵan orai, Prezident Ákimshiligi kelisimimen oblys ákiminiń orynbasary laýazymyna Baýyrjan Saldaruly Jamalovty taǵaiyndaý týraly sheshim qabyldadym. Baýyrjan Saldaruly ekonomika jáne qarjy salalarynda zor tájiribesi bar bilikti maman. Túrli qarjylyq qurylymdarda baiqaýshy keńesterdiń múshesi qyzmetin atqarǵan. Osy tájiribesi oblys ákiminiń orynbasary retindegi aldaǵy jumysynda úlken kómegi tietin bolady, – dedi Janseiit Qanseiituly.
Baýyrjan Saldaruly oblys ákiminiń orynbasary retinde kásipkerlik, indýstriialyq-innovatsiialyq damý, aýyl sharýashylyǵy jáne týrizm salalaryna jetekshilik jasaidy.
Oblys ákimi oǵan aýyl sharýashylyǵy salasyndaǵy ózekti máselelerine tereń taldaý jasap, olardyń sheshilýin qamtamasyz etý, oblystyń áleýetin eskere otyryp kásipkerlik pen týrizmge jan-jaqty qoldaý kórsetip, damýǵa yqpal jasaý, investitsiialar tartýdy, indýstriialandyrý kartasynyń ýaqtyly jáne sapaly atqarylýyn uiymdastyrýdy tapsyrdy.
Baýyrjan Saldaruly Jamalov 1971 jyly 27 shildede týylǵan. Bilimi joǵary, injener-mehanik – tehnolog, zańger mamandyqtaryn igergen.
Eńbek jolyn 1993 jyly Shymkent qalasynda biznes salasynda bastaǵan. Uzaq jyldar kásipkerlik salasynda eńbek etip, basshylyq laýazymdarda mol tájiribe jinaǵan.
Búginge deiin «Myrzakent-Holding» jaýapkershiligi shekteýli seriktestiginiń direktory bolyp eńbek etip keldi. Altynshy shaqyrylymdaǵy oblystyq máslihattyń depýtaty bolyp sailanǵan.
