Jazýshy-dramatýrg, Qazaqstannyń eńbek sińirgen qairatkeri, Halyqaralyq ádebi «Alash» syilyǵynyń laýreaty Erkinbek Turysov – 90 jasta. Osy mereili kúnge orai qalamgerdi Ońtústik Qazaqstan oblysynyń ákimi Janseiit Túimebaev arnaiy qabyldap, mereitoiymen quttyqtady, dep habarlaidy "Ult aqparat".
Sanaly ǵumyrynda Erkinbek Turysov “Ońtústik Qazaqstan” oblysy gazetiniń ádebi qyzmetkeri, bólim meńgerýshisi, menshikti tilshi, aýdandyq “Alǵabas” gazetiniń redaktory boldy. Búginde 90 jasqa kelip otyrǵan jazýshy uzaq jyldar memlekettik, qoǵamdyq qyzmet atqara júrip, týǵan jer, ósken ólke, zamandastar ómirinen 600-ge jýyq tarihi, kórkem pýblitsistikalyq shyǵarmalar jazyp, ulttyq rýhani mádenietimiz ben ádebietimizdiń damýyna ólsheýsiz úles qosqan tulǵa.
«Biylǵy jyly sizdiń 90 jyldyq mereitoiyńyzǵa orai oblysymyzda birqatar is-sharalar uiymdastyrylyp otyr. Kúni keshe ǵana Báidibek aýdanynyń Aqtas, M.Áýezov atyndaǵy jalpy orta mektepterinde oqyrmandar konferentsiialary, aýdandyq sport kesheninde voleiboldan týrnir jáne shyǵarmashylyq kesh uiymdastyryldy. Búgin Túrkistan saltanat saraiynda «Dáýir dastangeri atty» shyǵarmashylyq keshińiz ótpek. Siz, ulttyq ádebietimizdiń kóshbasyndaǵy aǵa býyn ókilderiniń birisiz. Sondyqtan sizdiń shyǵarmalaryńyzdy búgingi urpaqqa nasihattap, olardy otansúigishtikke tárbieleýimiz qajet», - dedi Janseiit Qanseiituly.
Taiaýda «Bir ólke – bir kitap» oblystyq aktsiiasy aiasynda qalamgerdiń «Temirlan» romanyn oqý tańdaldy. Romanda álemge áigili Ámir Temirdiń aiaqtalmaǵan aqyrǵy joryǵy, búgingi Orta Aziia men Iran, Ońtústik Qazaqstan jerinde, budan alty ǵasyr buryn ótken oqiǵalar jaiynda tarihi derek, avtor jihanger padishahtyń tulǵasyn jáne qorshaǵan ortanyń barsha tirshilik-tynysyn keń sýretteidi.
Qalamger jazǵan «Kelinshektaý», «Aqbaqai», «Qyran taýy», «Quralai joly», «Túnder sazy», «Tulpardyń izi», «Nurjaýdyń nurly túnderi», «Temirlan», «Báidibek», «Shyǵystyń shyń uldary», «Zamana perzentteri», «Máńgilik saryn» atty dúnieler – ulttyq ádebietimizdiń ulaǵatty týyndylary sanalady. 2017 jyldyń qyrkúiek aiynda avtordyń eki tomdyq shyǵarmalar jinaǵy «Qazyǵurt» baspasynan jaryqqa shyqty.
Erkinbek Turysov qazaq ádebietin damytýǵa sińirgen jemisti eńbegi úshin eki márte (1977-1987j.j.) Qazaqstan Joǵary Keńesiniń Qurmet gramotasymen, «Qurmet» ordenimen jáne «Respýblika Táýelsizdigine 20 jyl», «Ońtústik Qazaqstanǵa sińirgen eńbegi úshin» medaldarymen marapattalǵan. Halyq súiispenshiligine bólengen qalamgerge «Ońtústik Qazaqstan oblysynyń jáne Báidibek aýdanynyń qurmetti azamaty» ataǵy berilgen.
